బన్సాలీ దర్శకత్వంలో సల్మాన్, దీపికా జంటగా..?

గతేడాది క్రిస్మస్ కానుకగా బాలీవుడ్ లో విడుదలైన బాజీరావ్ మస్తానీ బాక్సాఫీస్ వద్ద కలెక్షన్ల వర్షం కురిపించింది. సంజయ్ లీలా బన్సాలీ దర్శకత్వంలో తెరకెక్కిన ఈ చిత్రంలో రన్ వీర్ సింగ్, దీపికా పదుకొనే, ప్రియాంక చోప్రాలు జంటగా నటించారు.

అయితే ఇప్పుడు మరోసారి బన్సాలీ తెరకెక్కించనున్న చిత్రంలో దీపికా పదుకొనే నటించనుందని అంటున్నాయి బాలీవుడ్ వర్గాలు. బాజీరావ్ చిత్ర షూటింగ్ లోనే దీపికాకు బన్సాలీ ఓ కథ చెప్పగా ఇందులో నటించడానికి దీపికా అంగీకారం తెలిపిందని సమాచారం. వచ్చే ఏడాది క్రిస్మస్ కానుకగా విడుదల కానున్న ఈ చిత్రంలో కథానాయకుడిగా సల్మాన్ పేరును పరిశీలిస్తున్నారు. ప్రస్తుతం సుల్తాన్ చిత్రంలో నటిస్తుండగా.. ఈ చిత్రం పూర్తి అయిన తరువాత కబీర్ ఖాన్ తెరకెక్కించనున్న చిత్రంలో నటించనున్నాడు. ఒకవేళ సల్మాన్ ఈ చిత్రంలో నటించడానికి అంగీకారం తెలపకపోతే మాత్రం దీపికాతో రన్ వీర్ మరోసారి జతకట్టే అవకాశం ఉంది.