దర్శకధీరుడు ఎస్.ఎస్. రాజమౌళి తెరకెక్కించిన బాహుబలి చిత్రాల్లో అనేక శక్తివంతమైన పాత్రలు ఉన్నాయి. వాటిలో దేవసేన క్యారక్టర్ ఎక్కువమందికి నచ్చింది. ఆ పాత్రకు అనుష్క వందశాతం న్యాయం చేశారు. రచయిత విజయేంద్ర ప్రసాద్ మదిలో మెదిలిన క్యారెక్టర్ కి ఆమె రూపం ఇచ్చారు. ఆ క్యారక్టర్ బాహుబలి సినిమాతోనే ఆగిపోవడం లేదు. బుల్లితెరపై ఆమె ప్రతాపం పూర్తిగా చూపించనుంది. దేవసేన పాత్రతో విజయేంద్ర ప్రసాద్ భారీ కథను రాసారు. ఆ కథతో హిందీ వాళ్లు “ఆరంబ్” పేరుతో సీరియల్ నిర్మించారు. ఇందులో దేవసేనగా హీరోయిన్ కార్తీక నటిస్తుండడం విశేషం.
“విజయేంద్ర ప్రసాద్ సార్ రాసిన స్క్రిప్ట్ అద్భుతం. ఆ స్క్రిప్ట్ చదివిన వెంటనే బాగా నచ్చింది. అందుకే ఈ పాత్రను చేయడానికి ఒప్పుకున్నాను. ఛాలెంజింగ్ రోల్ ఇది. ఒక అబ్బాయికి, అమ్మాయికి జరిగే యుద్ధం ఆసక్తికరంగా ఉంటుంది” అని కార్తీక వివరించారు. ఇప్పటికే షూటింగ్ పూర్తయిన ఈ సీరియల్ జూన్ 24 నుంచి స్టార్ నెట్ వర్క్ లో ప్రసారం కానుంది. గోల్డీ బెహెల్ దర్శకత్వం వహిస్తున్న భారీ బడ్జెట్ సినిమా స్థాయిలో సెట్స్, విజువల్ గ్రాఫిక్స్ వినియోగిస్తున్నారు.
Also, do SUBSCRIBE to our YouTube channel to get latest Tollywood updates.
