నాని కామెడీ టైమింగ్ గురించి ప్రత్యేకంగా చెప్పాల్సిన అవసరం లేదు కానీ.. నాగార్జున మాత్రం సెటిల్డ్ కామెడీ చేయడంలో సిద్ధహస్తుడు. అలాంటిది వీరిద్దరూ కలిసి ఒక సినిమాలో అది కూడా కామెడీ ఎంటర్ టైనర్ లో నటిస్తున్నారంటే ఆ సినిమా నుంచి పూర్తిస్థాయి కామెడీని ఎక్స్ పెక్ట్ చేస్తారు ఆడియన్స్. ఆ అంచనాలను ఏమాత్రం తగ్గించకుండా ఇంకాస్త పెంచే విధంగా ఉంది “దేవదాస్” ట్రైలర్. “భలే మంచి రోజు” ఫేమ్ శ్రీరామ్ ఆదిత్య దర్శకత్వంలో తెరకెక్కుతున్న ఈ చిత్రాన్ని అశ్వినీదత్ నిర్మిస్తుండగా.. నాగార్జున సరసన “మళ్ళీ రావా” ఫేమ్ ఆకాంక్ష సింగ్, నాని సరసన రష్మిక మండన్నా హీరోయిన్లుగా నటిస్తున్నారు.
మణిశర్మ సంగీత సారధ్యంలో రూపొందిన పాటలు ఇప్పటికే చార్ట్ బస్టర్స్ గా నిలిచాయి. సెప్టెంబర్ 27న విడుదలకానున్న ఈ చిత్రంలో నాని డాక్టర్ గా నటిస్తుండగా.. నాగార్జున ఓ మాఫియా డాన్ గా కనిపించనున్నాడు. ట్రైలర్ చూస్తుంటే ఈ ఇద్దరి మధ్య కెమిస్ట్రీ & కామెడీ వీరలెవల్లో పండినట్లే కనిపిస్తోంది. సరిగ్గా ఇంకోవారంలో విడుదలకానున్న ఈ చిత్రంపై మంచి అంచనాలు ఉన్నాయి. ఈ పాటలు, ట్రైలర్ ద్వారా క్రియేట్ అయిన పాజిటివ్ బజ్ ను సినిమా కంటిన్యూ చేస్తుందా లేదా అనేది ఇంకొన్ని రోజుల్లో ఎలాగూ తెలిసిపోతుంది. ఇప్పటికైతే ఈ ట్రైలర్ రచ్చ రచ్చ చేయడం ఖాయం.
Home