Devi Nagavalli: కేవలం డబ్బు కోసమే ‘బిగ్ బాస్4’ కు వచ్చాను: టీవీ9 యాంకర్ దేవి నాగవల్లి

టీవీ 9 యాంకర్ దేవి నాగవల్లి గురించి తెలియని ప్రేక్షకులండరెమో అనడంలో ఏమాత్రం అతిశయోక్తి లేదు. ఈమె తాజాగా ‘బిగ్ బాస్4’ కంటెస్టెంట్ గా ఎంట్రీ ఇచ్చింది. చాలా వరకూ ఈమె పర్సనల్ లైఫ్ కు సంబంధించిన విషయాలు బహుశా ఇప్పటివరకూ ఎవ్వరికీ తెలిసుండవు. అయితే నిన్న ఈమె బిగ్ బాస్ హౌస్ లోకి ఎంట్రీ ఇచ్చే ముందు.. అవన్నీ బయటకి వచ్చాయి. ఆంధ్రప్రదేశ్ లోని తూర్పుగోదావరి జిల్లాకు చెందిన రాజమండ్రిలో ఈమె పుట్టి పెరిగింది. బీకాం చదువుకున్న దేవి.. గ్రాఫిక్ డిజైనర్‌గా ఒక ఛానల్‌కు అప్లై చేసి.. అటు తరువాత యాంకర్‌గా మారింది.

లంగావోణి వేసుకుని.. చీరకట్టుకుని.. కవరేజ్‌కు వెళ్లగలరా అని అడిగితే… ‘నాకు ఉరుకులు పరుగుల జీవితమంటే ఇష్టమని.. నేచర్ డిజాస్టర్, బ్లాంబ్ బ్లాస్ట్ వంటివి కవర్ చెయ్యడం చాలా ఇంట్రెస్ట్’ అంటూ ప్రోమో ద్వారా చెప్పుకొచ్చింది. అంతేకాదు ఈమెది పెద్దలు కుదిర్చిన పెళ్లని…. పెళ్లైన తరువాత యూ.ఎస్ వెళ్లినట్టు కూడా చెప్పుకొచ్చింది. అయితే అక్కడ 8 నెలలకు మించి ఉండలేకపోయిందట. దాంతో విడాకులు తీసుకున్నానని కూడా చెప్పుకొచ్చింది. ఇప్పుడు దేవికి 6 ఏళ్ళ బాబు ఉన్నాడట. ఇక ‘బిగ్ బాస్ హౌస్’ ‌కు ఎందుకు వచ్చారు అని హోస్ట్ నాగార్జున..

దేవిని ప్రశ్నించగా.. “నేను న్యూస్ చదివేటప్పుడు వాళ్ల దగ్గర అంత డబ్బు ఉంది.. ఇంత డబ్బు ఉంది, ఇంత సంపాదించారు అని చదువుతాను కదా! ఒక మనిషి అంత డబ్బు ఎలా సంపాదిస్తాడా అని నాకు అనిపించింది. అందుకే జీవితంలో నా మొహం ఎప్పుడైనా అంత డబ్బు చూస్తుందా? అని..! 10వ తారీఖు వచ్చిందంటే.. నా జీతం మొత్తం అయిపోద్ది. హోమ్ లోన్ అలాగే మిగిలిన ఈ.ఎం.ఐ లు కట్టడం కష్టంగా ఉంటుంది. అందుకే ఇక్కడికి బిగ్ బాస్ ఫ్రైజ్ మనీ కోసమే వచ్చాను. అంతేతప్ప.. మరి దేనికోసమూ రాలేదు” అంటూ జవాబిచ్చింది దేవి.

1

2

3

4

5

6

7

8

9

10

11

12

13

14

15

16