టాలీవుడ్ లో టాప్ మ్యూజిక్ డైరెక్టర్ గా దూసుకుపోతున్నారు దేవిశ్రీప్రసాద్. వరుస సినిమాలతో బిజీగా ఉన్నారాయన. అల్లు అర్జున్ నటించిన ‘పుష్ప’ సినిమాతో దేవిశ్రీప్రసాద్ క్రేజ్ మరింత పెరిగింది. దీంతో బాలీవుడ్ దర్శకనిర్మాతలు తమ సినిమాలకు దేవిశ్రీప్రసాద్ ను సంగీత దర్శకుడిగా ఎంపిక చేసుకుంటున్నారు. బాలీవుడ్ స్టార్ హీరో సల్మాన్ ఖాన్ కి కూడా దేవిశ్రీప్రసాద్ వర్క్ బాగా నచ్చింది. అందుకే ఆయన నటిస్తోన్న ‘కిసీ కా బాయ్ కిసీ కా జాన్’ అనే సినిమాకి దేవిశ్రీప్రసాద్ ను సంగీతం అందించమని కోరారు.
ఈ సినిమాకి పూర్తిగా దేవిశ్రీనే సంగీతం అందించనున్నారని గతంలో వార్తలొచ్చాయి. కానీ అభిప్రాయబేధాలతో దేవిశ్రీప్రసాద్ తప్పుకున్నట్లు పుకార్లు వినిపించాయి. ఈ వార్తలపై దేవిశ్రీప్రసాద్ స్పందించారు. సల్మాన్ ఖాన్ సినిమాకి అన్ని పాటలకు సంగీతం అందించమని తనను ఎవరూ కోరలేదని దేవిశ్రీప్రసాద్ తెలిపారు. తనను సంప్రదించే సమయానికే చిత్రబృందం దగ్గర కొన్ని పాటలు ఉన్నాయని.. కానీ దర్శకుడు పూర్తిగా స్క్రిప్ట్ ను వినిపించి, పాటలు అందించాలని కోరారని చెప్పారు. కథను వినిపించే సమయంలో చాలా పాటలకు చోటు ఉందని..
రన్ టైం పెరుగుతుండడంతో పాటల సంఖ్యను తగ్గించారని అన్నారు. అదే విషయాన్ని తనకు కూడా చెప్పారని.. అయితే సల్మాన్ కోసం ఓ క్రేజీ సాంగ్ ను కంపోజ్ చేశానని.. అది అభిమానులకు బాగా నచ్చితుందని చెప్పుకొచ్చారు దేవిశ్రీప్రసాద్. ప్రస్తుతం దేవిశ్రీప్రసాద్ ‘పుష్ప2’ సినిమాకి మ్యూజిక్ కంపోజ్ చేయనున్నారు. అలానే హిందీ ‘దృశ్యం2’, రోహిత్ శెట్టి ‘సర్కస్’ సినిమాలకు మ్యూజిక్ అందిస్తున్నారు. సూర్య 42 ప్రాజెక్ట్ కూడా దేవిశ్రీ చేతికే వచ్చింది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
