Devi Sri Prasad: దేవిశ్రీప్రసాద్.. ఆ ప్రాజెక్టుని వదిలేయడం మంచిదే..!

స్టార్ మ్యూజిక్ డైరెక్టర్ దేవిశ్రీ ప్రసాద్ (Devi Sri Prasad) ఏ ప్రాజెక్ట్ చేయాలి, ఏది చేయకూడదు అన్న విషయంలో చాలా జాగ్రత్తగా ఉంటాడు. గతంలో ఎన్నో భారీ ఆల్బమ్‌లు ఇచ్చినప్పటికీ, అన్నీ ఓకే చేయకుండా తనకు నచ్చిన సినిమాలనే ఎంచుకుంటూ వచ్చాడు. తాజాగా, అజిత్ (Ajith)  – మైత్రి మూవీ మేకర్స్ కాంబినేషన్‌లో వస్తున్న గుడ్ బ్యాడ్ అగ్లీ (Good Bad Ugly) నుంచి దేవి తప్పుకోవడం చర్చనీయాంశంగా మారింది. ఈ సినిమాకు జీవి ప్రకాష్ కుమార్ సంగీతం అందిస్తున్నారు.

Devi Sri Prasad

అయితే ఇప్పటికే విడుదలైన లిరికల్ సాంగ్స్ ఆశించిన స్థాయిలో ప్రభావం చూపకపోవడంతో, దేవి అయితే ఇంకో లెవెల్‌లో వచ్చేదేమో అనే టాక్ వినిపిస్తోంది. ఇదే సమయంలో, దేవిశ్రీప్రసాద్ పుష్ప 2 (Pushpa 2)  మ్యూజిక్‌తో భారీ హిట్‌ను సొంటిగం చేసుకున్నాడు. అలాగే, ఇటీవల వచ్చిన తండేల్ (Thandel) మార్కెట్‌లో మళ్లీ ఫ్రెష్ ఎంట్రీ ఇచ్చింది. గుడ్ బ్యాడ్ అగ్లీ ప్రాజెక్ట్‌ని వదులుకోవడంపై మిక్స్డ్ రెస్పాన్స్ వస్తున్నా, అతను చేసిన డెసిషన్ మంచిదేననే అభిప్రాయాలు వ్యక్తమవుతున్నాయి.

ఈ సినిమా కథ రెగ్యులర్ మాస్ ఎలిమెంట్స్‌తోనే నడుస్తుందని, పాటలకు కూడా అదే ట్రెండ్ ఫాలో కావాల్సి ఉండేదని సినీ విశ్లేషకులు చెబుతున్నారు. జీవి ప్రకాష్ (G. V. Prakash Kumar) కూడా తమిళంలో మంచి మ్యూజిక్ డైరెక్టర్ అయినప్పటికీ, ఈ సినిమాలో అతని మ్యూజిక్ అంతగా కనెక్ట్ కాలేదని కొందరి అభిప్రాయం. దీనితో, దేవి ఉంటే బాగుండేదని కొంతమంది ఫీల్ అవుతున్నారు. కానీ దేవిశ్రీ ప్రసాద్ మాత్రం ఇప్పుడు భారీ మ్యూజికల్ హిట్స్‌కే ఫోకస్ పెడుతున్నాడు.

పుష్ప 2 తర్వాత శేఖర్ కమ్ముల (Sekhar Kammula) కుబేర (Kubera) సినిమా, మరో రెండు తెలుగు – తమిళ బిగ్ ప్రాజెక్ట్స్ ఆయన చేతిలో ఉన్నాయన్న టాక్ ఉంది. మొత్తంగా చూస్తే, గుడ్ బ్యాడ్ అగ్లీ ఆల్బమ్ హిట్టవుతుందా లేదా అన్నది సినిమా విడుదలైన తర్వాత తేలాల్సి ఉంది. కానీ దేవి లాంటి మ్యూజిక్ డైరెక్టర్‌కు ఈ సినిమా చేయకపోవడం వల్ల ఎలాంటి మైనస్ లేదు. పైగా, తన ప్రస్తుత కెరీర్‌ను మరింత స్ట్రాంగ్ చేసేందుకు ఇది మంచి నిర్ణయమేనని ఇండస్ట్రీ వర్గాలు భావిస్తున్నాయి.