Dhanush Family: విసిగి వేసారి నిర్ణయానికి వచ్చేసిన ధనుష్‌ కుటుంబం!

కోలీవుడ్‌ స్టార్‌ హీరో ధనుష్‌ను తొలుత నుండి ఫాలో అయ్యేవాళ్లకు రెండు విషయాలు పక్కాగా తెలుస్తాయి. ఒకటి హీరో అవ్వడానికి, స్టార్‌గా మారడానికి అతను పడ్డ కష్టం. ఇంకొకటి తన ఐడెంటిటీ విషయంలో జరుగుతున్న రచ్చ. ఓ జంట వచ్చి.. ధనుష్‌ మా కొడుకే అంటూ చాలా ఏళ్లుగా ఆందోళన చేస్తున్నారు. అంతేకాదు న్యాయస్థానానికి కూడా ఈ విషయం వెళ్లింది. అయితే దీనిపై ధనుష్‌ కుటుంబం ఆఖరిగా ఓ నిర్ణయానికి వచ్చింది. ఏకంగా ఆ జంటపై పరువు నష్టం దావా వేస్తామని చెబుతోంది.

ధనుష్‌ తమ మూడో కొడుకని, సినిమాల్లో నటించాలనే ఉద్దేశంతో చిన్నతనంలోనే ఇంటి నుండి పారిపోయాడు అంటూ మధురైకి చెందిన కతిరేశన్, మీనాక్షి దంపతులు నాలుగేళ్ల నుండి ఆరోపణలు చేస్తూనే ఉన్నారు. అంతేకాదు నటుడిగా స్థిరపడిన నాటి నుండి ధనుష్‌ తమకు ప్రతి నెలా రూ.65 వేలు పంపిస్తున్నాడు అంటూ వివిధ సందర్భాల్లో చెప్పారు కూడా. ఈ ఆరోపణలతో విసిగి వేసారిపోయిన ధనుష్‌, ఆయన తండ్రి కసూర్తిరాజా.. తాజాగా ఆ దంపతులకు లీగల్‌ నోటీసులు పంపించారు.

ఇంతకాలం మా పరువుకు భంగం కలిగించింది చాలు, ఇప్పటికైనా క్షమాపణలు చెప్పండి, లేదంటే రూ.10 కోట్ల పరువు నష్టం దావా ఎదుర్కోవాల్సి ఉంటుంది అంటూ లీగల్‌ నోటీసుల్లో పేర్కొన్నారు. తమ గౌరవానికి ఇబ్బంది కలిగించేలా చేస్తోన్న ఆరోపణలకు ఇకనైనా ఫుల్‌స్టాప్‌ పెట్టాలని ధనుష్‌, కస్తూరి రాజా కోరారు. ఇంతకాలం చేసిన ఆరోపణలన్నీ అవాస్తవాలేనని పేర్కొంటూ క్షమాపణలు చెబుతూ వెంటనే ఓ స్టేట్‌మెంట్‌ విడుదల చేయాలని కూడా ధనుష్‌ ఆ నోటీసుల్లో పేర్కొన్నట్లు సమాచారం.

మరి ఈ నోటీసులకు కతిరేశన్, మీనాక్షి దంపతులు ఏమంటారో చూడాలి. వాళ్లు చాలా ఏళ్లుగా ఇవే మాటలు చెబుతూ వస్తున్నారు. ఎన్ని విధాలుగా ప్రశ్నలు లేవనెత్తినా ధనుష్‌ మా కొడుకే అని చెబుతున్నారు. ఇప్పుడు లీగల్‌ నోటీసులు పంపిన నేపథ్యంలో వారి నుండి ఎలాంటి స్పందన వస్తుంది అనే విషయంలో ఆసక్తి రేగుతోంది.

సర్కారు వారి పాట సినిమా రివ్యూ & రేటింగ్!

Most Recommended Video

‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!