తమిళ యువ నటుడు ధనుష్ గతంలో “కొలవరి డి” సాంగ్ పాడి సింగర్ గా అభినందనలు అందుకున్నారు. ఆ తర్వాత కూడా తన సినిమాల్లో “మారి తార లోకల్, ఓ..ఓ” అనే పాటలతో ఆకట్టుకున్నారు. తొలి సారి తెలుగు సినిమాకోసం గొంతు సవరించుకున్నారు. మెగా హీరో సాయిధరమ్ తేజ్ హీరోగా నటిస్తున్న ‘తిక్క’ చిత్రంలోని టైటిల్ సాంగ్ ను ఆలపించారు.
సునీల్ రెడ్డి దర్శకత్వంలో తెరకెక్కిన ఈ సినిమాకు ఎస్.ఎస్.థమన్ సంగీతాన్ని అందిస్తున్నారు. ఈ సినిమాలో ఓ పాటలో కూడా నటించాడు. ప్రస్తుతం ‘తిక్క’ పై మరింత ఆసక్తి కలిగించేలా సూపర్ స్టార్ అల్లుడి తో థమన్ పాట పాడించారు. నిన్న (మంగళవారం) టైటిల్ సాంగ్ రికార్డింగ్ పూర్తి అయినట్లు ట్విట్టర్ లో వెల్లడించారు. ధనుష్ తో కలిసి తాను కలిసి ఉన్న ఫోటోను పోస్ట్ చేశారు. డాక్టర్ సి. రోహిన్ రెడ్డి నిర్మిస్తున్న తిక్కలో సాయి ధరమ్ తేజ్ పక్కన లరిస్సా, మన్నారా చోప్రా హీరోయిన్లుగా నటిస్తున్నారు.
షూటింగ్ మొత్తం పూర్తి చేసుకున్న ఈ మూవీకి పోస్ట్ ప్రొడక్షన్ వర్క్ జరుగుతోంది. ఆగష్టు 13న రిలీజ్ కానున్న ఈ మూవీ టీజర్ నేడు(బుధ వారం) విడుదల కానుంది. సుప్రీమ్ హిట్ తర్వాత సాయి ధరమ్ తేజ్ చేస్తున్న సినిమా కావడంతో దీనిపై భారీ అంచనాలు ఉన్నాయి.
