ఒక భాషలో సినిమా హిట్టయితే.. దానిని వేరే భాషలో రీమేక్ చేసి క్యాష్ చేసుకోవాలని ఆయా భాషల్లో దర్శక నిర్మాతలు ఆ సినిమా రీమేక్ హక్కుల కోసం ఎగబడుతుంటారు. ఇపుడు మన ‘మజిలీ’ చిత్రం హక్కుల కోసం కూడా ప్రముఖ తమిళ, మలయాళ నిర్మాతలు ఎగబడుతున్నారట. ఇటీవల విడుదలైన ‘మజిలీ’ చిత్రం బ్లాక్ బస్టర్ గా నిలిచింది. నాగచైతన్య,సమంత ల నటన ఈ చిత్రాన్ని సూపర్ హిట్ గా నిలబెట్టింది. ఇప్పటికే విడుదలయ్యి రెండు వారాలు గడుస్తున్నా.. హౌస్ ఫుల్ బోర్డులు మాత్రం తగ్గడం లేదంటే.. ఈ సినిమా ఎలాంటి విజయాన్ని నమోదు చేసిందో అర్థం చేసుకోవచ్చు.
అందుకే ఈ చిత్రాన్ని రీమేక్ చేయడానికి ఇతర భాషా నిర్మాతలు ఎగబడుతున్నారు. ఇందులో భాగంగా తమిళ్ లో ఈ చిత్రాన్ని ధనుష్ తో తెరకెక్కించాలని ఓ ప్రముఖ నిర్మాత ప్రయత్నిస్తున్నాడట. ధనుష్ కు ఈ చిత్రం చూపించి తనకి నచ్చితే… వెంటనే సెట్స్ పైకి తీసుకువెళ్ళాలని ఆ నిర్మాత భావిస్తున్నాడట. ధనుష్ ఈ చిత్రంలో హీరో క్యారెక్టర్ కు 100 శాతం న్యాయం చేస్తాడు అందులో డౌటే లేదు. కానీ ధనుష్ రీమేక్ చేసేంత సినిమా అయితే ఇది కాదు. ఎందుకంటే ఇలాంటి క్యారెక్టర్లు ధనుష్ చాలానే చేసాడు. ‘త్రీ’ ‘నవ మన్మధుడు’ చిత్రాలు కొంచెం ఇలానే ఉంటాయి. దీనిని బట్టి చూస్తే ధనుష్ ఈ చిత్ర రీమేక్ లో నటించడానికి ఆసక్తి చూపించకపోయినా ఆశ్చర్యపడనవసరం లేదు. మరో పక్క ఈ చిత్రాన్ని తమిళ్ లో డబ్ చేస్తే బాగుంటుందని.. నాగార్జున భావిస్తున్నాడట. ఎందుకంటే సమంతకు అక్కడ ఎలాగూ ‘స్టార్ డమ్’ ఉంది. కాబట్టి ఈ చిత్రాన్ని డబ్ చేస్తే చైతూకి కూడా మంచి మార్కెట్ ఏర్పడే అవకాశం ఉందని నాగ్ ఆలోచన. ఇప్పటికే అక్కడ విడుదల చేసిన ‘మజిలీ’ తెలుగు వెర్షన్ కు లాభాలు కూడా వచ్చాయి. ఇక డబ్ చేస్తే మరిన్ని కలెక్షన్లు రావడంతో పాటూ తన కొడుక్కి కూడా మంచి పేరు వస్తుందని నాగ్ ప్లాన్. అయితే ప్రొడ్యూసర్లు మాత్రం ‘మజిలీ’ రీమేక్ హక్కుల్ని అమ్ముకుంటేనే ఎక్కువ వస్తుందనే ఆలోచనలో ఉన్నట్టు తెలుస్తుంది. మరి చివరికి ఏం జరుగుతుందో చూడాలి.
Home