Sai Srinivas: ధనుష్ సినిమా రీమేక్ లో బెల్లంకొండ!

స్టార్ ప్రొడ్యూసర్ బెల్లంకొండ సురేష్ కుమారుడిగా ఇండస్ట్రీలోకి అడుగుపెట్టాడు బెల్లంకొండ శ్రీనివాస్. హీరోగా తన కెరీర్ లో ఎన్నో భారీ బడ్జెట్ చిత్రాల్లో నటించాడు. కానీ ఏది కూడా కలిసిరాలేదు. ఎన్నో అంచనాల మధ్య విడుదలైన ‘అల్లుడు అదుర్స్’ సినిమా కూడా నిరాశపరచడంతో బెల్లంకొండ కొన్నాళ్లపాటు బ్రేక్ తీసుకున్నాడు. ఇప్పుడు రీమేక్ కథలను నమ్ముకుంటూ ముందుకు వెళ్తున్నాడు ఈ హీరో. త్వరలోనే బాలీవుడ్ లో సినిమా చేయబోతున్నాడు. రాజమౌళి తెరకెక్కించిన ‘ఛత్రపతి’ సినిమాను హిందీలో రీమేక్ చేయబోతున్నారు.

పెన్ స్టూడియోస్ నిర్మాణంలో వి.వి.వినాయక్ ఈ సినిమాకు దర్శకత్వం వహిస్తున్నారు. ఇందులో బెల్లంకొండ శ్రీనివాస్ హీరోగా కనిపించబోతున్నాడు. ఈ సినిమాలో హీరోయిన్లుగా చాలా మంది బాలీవుడ్ భామలను సంప్రదించారు. ఫైనల్ గా అనన్య పాండే ఓకే చెప్పిందని సమాచారం. అయితే ఈ సినిమా తరువాత కూడా బెల్లంకొండ రీమేక్ కథలోనే నటించబోతున్నట్లు సమాచారం. ఓ సూపర్ హిట్ కథను ఎన్నుకున్న బెల్లంకొండ దాన్ని తెలుగులో రీమేక్ చేయబోతున్నాడు. తమిళంలో ధనుష్ నటించిన ‘కర్ణన్’ సినిమా రీసెంట్ గానే విడుదలైంది.

50 పర్శంట్ ఆక్యుపెన్సీలో కూడా ఈ సినిమా భారీ విజయాన్ని నమోదు చేసింది. ఇప్పుడు ఈ సినిమా రీమేక్ రైట్స్ ను బెల్లంకొండ సురేష్ కొన్నట్లు తెలుస్తోంది. తన కొడుకుని హీరోగా పెట్టి ఈ సినిమా చేయబోతున్నాడట. ఈ సినిమా దళిత బహుజన ఐడియాలజీ నేపథ్యంలో తెరకెక్కింది. తమిళనాడులో జరిగిన కొన్ని సంఘటనల ఆధారంగా ఈ సినిమాను తెరకెక్కించారు. దీనిలో కొన్ని మార్పులు, చేర్పులు చేసి తెలుగులో రూపొందించబోతున్నారు.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!