బిగ్బాస్ ఇంటికి వచ్చినవాళ్లందరి నవ్వులు వెనుక, సరదాల వెనుక.. చాలా పెద్ద కథే ఉంటుంది. ఆ మాటకొస్తే ప్రతి ఒక్కరి వెనుక ఓ కథ ఉంటుంది అనుకోండి. కానీ తమను తాము నిరూపించుకోవడానికి, ప్రేక్షకుల్ని ఎంటర్‌టైన్‌ చేయడానికి ఇంట్లోకి వచ్చిన వారి జీవితంలో ఆ కీలకమైన సంఘటన, కష్టం ఏంటో తెలుసుకోవాలని అందరికీ ఉంటుంది. అందుకేనేమో బిగ్ బాస్ ప్రతి సీజన్‌లో అలాంటి ఒక రోజు తీసుకొస్తాడు. ఈ సీజన్‌లోనూ అలాంటి రోజు ఉంది. అది ఈ రోజే. బిగ్ బాస్ కంటెస్టెంట్ల మెమొరీస్‌ చూపించి… వాళ్లను పాత రోజులకు తీసుకెళ్లాడు. మనకు వాళ్ల గురించి తెలిసేలా చేశాడు.
నవ్వుతూ, నవ్విస్తూ ఉంటారు.. వాళ్లకేముంది కష్టం అనుకోకూడదు. మాంచి సీమ టపాకాయ్‌ లాగా… అల్లరి అల్లరి చేసే హారిక కంట కన్నీళ్లు ఈ రోజు ఎపిసోడ్‌లో చూడొచ్చు. తన కుటుంబాన్ని గుర్తు చేసుకుంటూ హారిక ‘డాడీ ఈ ఐదేళ్లలో నీ దగ్గర నుంచి దూరం వచ్చేశాం. మీరెప్పుడూ తిరిగి చూడలేదు. మేమెప్పుడు తిరిగి చూడలేదు. తిరిగి చూసిన రోజు మేం ఆగిపోతాం అని తెలుసు. మేం తిరిగి చూడం’ అంటూ తను మానసికంగా ఎంత ధృడమో చెప్పకనే చెప్పింది హారిక. బ్రేవ్‌ హారిక కదా. అందుకే ఇక్కడివరకు వచ్చింది.
మోనాల్‌ పాత ఫొటో చూసినప్పుడు, తన తండ్రితో దిగిన చిన్ననాటి ఫొటోను చూపించాడు బిగ్బాస్. దాంతో మోనాల్‌ కంటతడిపెట్టుకుంది. దివి, లాస్య, నోయల్‌, అమ్మ రాజశేఖర్‌, మెహబూబ్‌… ఇలా అందరి మెమొరీస్‌ చూపించాడు. ఎవరికి వారు తమ మాటలు కూడా చెప్పారు. కెప్టెన్‌ సోహైల్‌ అయితే ‘సింగరేణి ముద్దు బిడ్డ కెప్టెన్‌ అయ్యాడు’ అంటూ నాన్నను గుర్తు చేసుకున్నాడు. ఇంకా మిగిలిన సభ్యుల మెమొరీస్‌ ఈ రోజు రాత్రి చూడొచ్చు.
టాలీవుడ్ లో తెరకెక్కిన హాలీవుడ్ చిత్రాలు!
బిగ్బాస్ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
