మెగా పవర్ స్టార్ రామ్‌చరణ్ తేజ్ పవర్‌ఫుల్ ఐపీఎస్ పాత్రలో నటిస్తున్న చిత్రం ‘ధృవ’. తమిళంలో సూపర్ హిట్ అయిన ‘తని ఓరువన్’ సినిమాకి నేటివిటీని జోడించి యాక్షన్ డైరక్టర్ సురేంధర్ రెడ్డి దీనిని కొత్తగా తెరకెక్కిస్తున్నారు. గీతా ఆర్ట్స్ బ్యానర్ పై అల్లు అరవింద్ నిర్మిస్తున్న ఈ సినిమాలో చెర్రీకి జోడీగా ఫిట్ బ్యూటీ రకుల్‌ ప్రీత్ సింగ్ నటిస్తోంది. విజయ దశమి కి విడుదలైన ‘ధృవ’ టీజర్ అభిమానులను విశేషంగా ఆకట్టుకుంది.
ఈ సినిమాకి తమిళ మ్యూజిక్ డైరెక్టర్ హిప్‌హాప్ తమీజా అద్భుతమైన పాటలను అందిస్తున్నారు. ఈ ఆడియో రిలీజ్ వేడుకను నవంబర్ 20న గ్రాండ్ గా నిర్వహించేందుకు నిర్మాత ప్లాన్ చేస్తున్నారు. ఈ ఫంక్షన్ కి ముఖ్య అతిథిగా మెగాస్టార్ చిరంజీవి హాజరుకానున్నారు. స్పెషల్ గెస్ట్ గా పవర్ స్టార్ పవన్ కళ్యాణ్ కూడా రానున్నట్లు సమాచారం. రామ్ చరణ్ కోరిక మేరకు ఈ ఫంక్షన్ కి వచ్చేందుకు పవన్ ఒప్పుకున్నారని తెలిసింది. తమిళ నటుడు అరవింద్ స్వామి విలన్ గా నటిస్తున్న ‘ధృవ’ డిసెంబర్ 2 న థియేటర్లోకి రానుంది.
