స్టైలిష్ స్టార్ అల్లు అర్జున్ నటించిన ‘దువ్వాడ జగన్నాథమ్’ రిలీజ్ కి ముందే కాదు, విడుదలయిన తర్వాత కూడా వివాదాల్లో నిలిచింది. ఈ సినిమా కలక్షన్స్ అంతా అబద్ధమని సోషల్ మీడియాలో చాలామంది కామెంట్లు చేశారు. ఈ విషయంపై కొన్ని రోజుల క్రితం డైరక్టర్ హరీష్ స్పందించారు. తెలంగాణా కలక్షన్స్ వివరాలు బయటపెట్టి అవి తప్పని నిరూపిస్తే దర్శకత్వం వదిలేస్తానని ట్విట్టర్ వేదికగా ఛాలెంజ్ విసిరారు. తాజాగా నిర్మాత దిల్ రాజు వివరం ఇచ్చారు. డీజే వసూళ్ల విషయంలో నేను ఎలాంటి అబద్దాలు చెప్పలేదు. బన్నీ కెరీర్లో బెస్ట్ సినిమాగా చెప్పుకునే ‘సరైనోడు’ వసూళ్లను డీజే క్రాస్ చేసింది.”అని క్లారిటీ ఇచ్చారు.
“డీజే బ్లాక్ బస్టర్ హిట్ గా నిలిచింది. ఈ సంవత్సరం ఇది నాకు హ్యాట్రిక్ హిట్. నా చిత్రాల కలెక్షన్ల విషయంలో నేను తప్పుడు స్టేట్ మెంట్స్ ఎప్పుడూ ఇవ్వలేదు, ఇకపై ఇవ్వను” అని స్పష్టం చేశారు. దిల్ రాజు ప్రస్తుతం ఫిదా మూవీ రిలీజ్ చేసే పనిలో బిజీగా ఉన్నారు. అంతేకాదు రాజా ది గ్రేట్, ఎంసిఎ సినిమాల చిత్రీకరణ వేగంగా జరిగేలా చూస్తున్నారు.
Also, do SUBSCRIBE to our YouTube channel to get latest Tollywood updates.
