ఓ సినిమా రిలీజ్ కి దగ్గర పడుతున్న టైంలో వచ్చే టీజర్, ట్రైలర్ లేదా ఫస్ట్ సింగిల్ వంటి వాటిని నిర్మాణ సంస్థల డిజిటల్ టీంలు సోషల్ మీడియాలో గట్టిగా ప్రమోట్ చేస్తూ రావడం అనేది ఎప్పటి నుండో వస్తున్న ఆనవాయితీ. మిలియన్ల కొద్దీ వ్యూస్ కనిపిస్తేనే సినిమాని బాగా ప్రమోట్ చేస్తున్నట్టు అంతా భావిస్తారు. ఓటీటీ డీల్స్ కి సినిమాలు వెళ్ళినప్పుడు.. ‘సినిమాని ఎంతలా ప్రమోట్ చేశారు’ అనే పాయింట్ ఆఫ్ వ్యూలో ఇవన్నీ చెక్ చేస్తాయి ఓటీటీ సంస్థలు. ప్రమోషన్ అనేది సినిమాని బాగా పుష్ చేస్తుంది.ఒక్కోసారి సో సోగా ఉన్న సినిమాలు కూడా ప్రమోషన్ వల్ల గట్టెక్కిన సందర్భాలు అనేకం ఉన్నాయి.
ఇది అందరికీ తెలిసిన వ్యవహారమే. కానీ నిన్న దిల్ రాజు (Dil Raju) ఈ విషయంపై కుండబద్దలు కొట్టారు. తన ‘తమ్ముడు’ సినిమా ట్రైలర్ ను డబ్బులు ఇచ్చి ప్రమోట్ చేయకూడదు అని డిసైడ్ అయినట్లు ఆయన చెప్పుకొచ్చారు. దాని వెనుక ఆయన ఉద్దేశం ఏంటి? అన్నది తర్వాతి సంగతి. కానీ ఆయన స్టేట్మెంట్ వల్ల సోషల్ మీడియాలో స్టార్ హీరోల అభిమానుల ఫ్యాన్ వార్స్ కి ఫుల్ స్టాప్ పడే అవకాశం కొంతవరకు ఉంది. ఇక ఈరోజు అల్లు అరవింద్ (Allu Aravind) ‘మిత్ర మండలి’ టీజర్ లాంచ్ వేడుకలో ‘నాకో ఫేక్ అకౌంట్ ఉంది.
దీంతో హీరోయిన్ నిహారిక ఎన్ ఎం’ అనే ఇన్ఫ్లుయెన్సర్ ను ఫాలో అవుతున్నట్లు ఆయన చెప్పుకొచ్చారు. తన అఫీషియల్ ప్రొఫైల్ తో కనుక సోషల్ మీడియాలో యాక్టివ్ గా ఉంటే.. కొంతమంది దారుణంగా తిడతారని భయపడి, అలా ఫేక్ ప్రొఫైల్ తో సోషల్ మీడియాలో యాక్టివ్ గా ఉంటారట అల్లు అరవింద్ (Allu Aravind). ఇది కూడా చాలా మందికి తెలిసిన వ్యవహారమే. కొంతమంది సెలబ్రిటీలు ఫేక్ ప్రొఫైల్స్ తో సోషల్ మీడియాలో యాక్టివ్ గా ఉంటారు. వాటితో ట్రోలర్స్ కి కౌంటర్లు వేస్తూ ఉంటారు.అంతా బాగానే ఉంది. టాలీవుడ్ కి చెందిన ఇద్దరు స్టార్ ప్రొడ్యూసర్స్ ‘ఫాల్స్ ప్రెస్టేజ్’..లకి దూరంగా ఉండాలి అనుకోవడం అందరికీ స్ఫూర్తినిచ్చే అంశమే.
అదే రీతిగా ‘ఫేక్ కలెక్షన్స్’ ని కూడా అవాయిడ్ చేయడానికి ప్రయత్నిస్తే బాగుంటుంది కదా. మొదటి రోజు రికార్డు బ్రేకింగ్ నంబర్స్ వచ్చాయి అంటూ పోస్టర్స్ వదిలి ఫ్యాన్స్ మధ్యలో ఫైటింగ్ లు పెట్టడం, ఐటీ రైడ్స్ బారిన పడటం వంటివి తగ్గుతాయి. నిజమైన కలెక్షన్స్ చెబితే కూడా ఇంకా బాగుంటుంది. ఒకప్పుడు ఏ సినిమా ఎన్ని రోజులు ఆడింది అనేది అందరికీ జెన్యూన్ గా తెలిసేది. కానీ కలెక్షన్స్ తో సినిమా రిజల్ట్ ను డిక్లేర్ చేసే రోజులు వచ్చినప్పుడు.. ఏ సినిమా ఎంత కలెక్ట్ చేసిందో.. ఏది హిట్టు సినిమానో.. ఆడియన్స్ కి అర్థం కాని పరిస్థితి నెలకొంది. వీటి విషయంలో కూడా ఒక క్లారిటీ ఉంటే.. అందరూ రియాలిటీలో ఉంటారు.
