టాలీవుడ్ అగ్ర నిర్మాత దిల్ రాజు.. వైఘారెడ్డి(తేజస్విని) లు 2020 లాక్ డౌన్ లో పెళ్లి చేసుకున్న సంగతి అందరికీ తెలిసిందే. 2022 లో ఈ దంపతులు ఓ బిడ్డకు జన్మనిచ్చారు. వీరి బాబుకి అన్వి రెడ్డి అని నామకరణం చేశారు. 2022 జూన్ 29 న అన్వి రెడ్డి జన్మించాడు. ఈ మధ్యనే అతని మొదటి బర్త్ డే ఘనంగా జరిగింది. ఈ వేడుకకి టాలీవుడ్ కి చెందిన సెలబ్రిటీలందరూ వచ్చి దిల్ రాజు కొడుకుని ఆహ్వానించారు. చిరంజీవి, సురేఖ, మహేష్ బాబు, సితార, దర్శకుడు త్రివిక్రమ్, నిర్మాత సురేష్ బాబు, నిర్మాత రాధా కృష్ణ,సినిమాటోగ్రాఫర్ సెంథిల్(సతీసమేతంగా)..వంటి వారు దిల్ రాజు కొడుకు పుట్టినరోజు వేడుకల్లో సందడి చేశారు. అందుకు సంబంధించిన ఫోటోలు సోషల్ మీడియాలో వైరల్ అయ్యాయి.
ఇక అన్వి రెడ్డి పుట్టినరోజు నాడు ఓ స్పెషల్ వీడియోని షూట్ చేయించాడు దిల్ రాజు. ఈ మధ్య అందరూ తమ పిల్లల పుట్టినరోజు నాడు… నాలుగు రకాల డ్రెస్ లు వాళ్ళ పిల్లలకి వేసి ఫోటోలు , వీడియోలు తీయిస్తున్న సంగతి తెలిసిందే. ఇది తమ పిల్లల జీవితంలో ఓ మధుర జ్ఞాపకంలా ఉండాలి అనేది వారి తాపత్రయం.
దిల్ రాజు – తేజస్విని దంపతులు కూడా అదే విధంగా అన్వి రెడ్డి.. పుట్టినరోజు నాడు స్పెషల్ వీడియోను, ఫోటోలను తీయించడం జరిగింది. ఆ వీడియోలో దిల్ రాజు కుటుంబ సభ్యులు అందరూ ఉన్నారు. ఆ వీడియోని మీరు కూడా ఓ లుక్కేయండి:
