మరో చిన్న సినిమాని విడుదల చేయబోతున్న దిల్ రాజు..!

టాలీవుడ్ బడా నిర్మాతలలో సురేష్ బాబు ఒకరు. ఓ పక్క సినిమాలను నిర్మిస్తూనే.. మరోపక్క చిన్న సినిమాలని డిస్ట్రిబ్యూట్ చేస్తుంటారు. ఈ మధ్య కాలంలో ఈయన జోరు కాస్త పెరిగిందనే చెప్పాలి. నచ్చిన ప్రతీ చిన్న సినిమాని విడుదల చేస్తూ హిట్లు మీద హిట్లు అందుకుంటున్నారు సురేష్ బాబు. ‘ఈ నగరానికి ఏమైంది’ ‘కేరాఫ్ కంచెరపాలెం’ ‘ఫలక్ నుమా దాస్’ ‘బ్రోచేవారెవరు రా’ వంటి విభిన్నమైన చిత్రాలని విడుదల చేసి బాగా క్యాష్ చేసుకున్నారు. ఇక ఈయన బాటలోనే దిల్ రాజు కూడా నడవడానికి రెడీ అవుతున్నాడట.

నిజానికి దిల్ రాజు కి ఇదేమీ కొత్త కాదు. ఆయన మొదటి నుండీ చేస్తున్న పని ఇదే..! కాకపోతే నిర్మాతగా మరీన తరువాత కాస్త తగ్గించారు అంతే..! ప్రస్తుతం దిల్ రాజు.. హీరో రాజ్ తరుణ్ తో ‘ఇద్దరి లోకం ఒక్కటే’ అనే చిన్న సినిమా నిర్మిస్తూనే మరోపక్క మహేష్ బాబుతో ‘సరిలేరు నీకెవ్వరు’ వంటి బడా చిత్రాన్ని కూడా నిర్మిస్తున్నాడు. ఇలా సినిమాలు నిర్మిస్తూనే ఇప్పుడు చిన్న సినిమాలని విడుదల చేయడానికి రెడీ అవుతున్నాడట. ఇప్పటికే ‘ఎవ్వరికీ చెప్పొద్దు’ అనే చిత్రాన్ని డిస్ట్రిబ్యూట్ చేసాడు దిల్ రాజు. ఈ చిత్రానికి మంచి స్పందనే వచ్చింది. ఇక రవిబాబు డైరెక్షన్లో తెరకెక్కిన ‘ఆవిరి’ చిత్రాన్ని కూడా దిల్ రాజు డిస్ట్రిబ్యూట్ చేస్తున్న సంగతి తెలిసిందే. ఇప్పుడు మరో చిన్న చిత్రాన్ని కూడా దిల్ రాజు విడుదల చేయడానికి రెడీ అవుతున్నాడు. బిత్తిరి సత్తి ప్రధాన పాత్రలో తెరకెక్కిన ‘తుపాకీ రాముడు’ చిత్రాన్ని కూడా దిల్ రాజు రిలీజ్ చేయబోతున్నాడట. అక్టోబర్ 25 న ఈ చిత్రం విడుదల కాబోతుంది.

బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?