Love Today: ‘లవ్ టుడే’ సినిమాను బాలీవుడ్ లో రీమేక్ చేస్తారట!

ఈ మధ్యకాలంలో రీమేక్ ల హవా నడుస్తోంది. స్టార్ ప్రొడ్యూసర్స్ అంతా కూడా రీమేక్ ల మీద ఫోకస్ పెడుతున్నారు. ఒక భాషలో హిట్ అయిన సినిమాను ఇతర భాషల్లో రీమేక్ చేసి హిట్స్ కొడుతున్నారు. ఇప్పుడు దిల్ రాజు కూడా అదే పనిలో ఉన్నారు. ఓ చిన్న సినిమాను రీమేక్ చేసే మాస్టర్ ప్లాన్ చేస్తున్నారు. తాజాగా తమిళంలో హిట్ అయిన ‘లవ్ టుడే’ సినిమాను తెలుగులో రిలీజ్ చేశారు దిల్ రాజు.

ఈ సినిమాకి డిస్ట్రిబ్యూటర్ గా షేరింగ్ బేస్ మీద రిలీజ్ చేశారు. సినిమా మీద నమ్మకంతో తమిళ నిర్మాతలు దిల్ రాజుకి అవుట్ రేట్ కి ఇవ్వకుండా జాగ్రత్త పడ్డారు. అయితే ప్రస్తుతం ఈ సినిమా తమిళంతో పాటు తెలుగులో కూడా సూపర్ హిట్ టాక్ తో దూసుకుపోతుంది. ఫస్ట్ డే థియేటర్ల వద్ద సందడి లేదు కానీ మెల్లగా మౌత్ టాక్ తో బుకింగ్స్ పెరిగాయి. అవుట్ రేట్ మీద సినిమా కొనడంతో దిల్ రాజు కూడా పెద్దగా ప్రమోషన్స్ ఏవీ ప్లాన్ చేయలేదు.

సినిమా టాక్ ని బట్టి ఆడుతుందని ఊరుకున్నారు. ఇదిలా ఉండగా.. ఈ సినిమా తెలుగు, తమిళ భాషల్లో సూపర్ హిట్ అవ్వడంతో ఇప్పుడు హిందీలో రీమేక్ చేయాలనుకుంటున్నారు నిర్మాతలు. ఈ ప్రాజెక్ట్ లో వారితో పాటు దిల్ రాజు కూడా జాయిన్ అవ్వబోతున్నారని సమాచారం. ప్రస్తుతానికి హీరో ఎవరనేది ఫైనల్ అవ్వలేదు కానీ బాలీవుడ్ లో క్రేజ్ ఉన్న యంగ్ హీరోతో సినిమా చేసే అవకాశం ఉంది.

ఇప్పటికే దిల్ రాజు హిందీలో ‘జెర్సీ’, ‘హిట్’ సినిమాలను రీమేక్ చేశారు. ఆ అనుభవం ఉంది కాబట్టే తమిళ నిర్మాతలు అతడితో టైఅప్ అవ్వడానికి ఓకే చెప్పినట్లు తెలుస్తోంది. అయితే దిల్ రాజు రీమేక్ చేసిన సినిమాలు బాలీవుడ్ లో పెద్దగా వర్కవుట్ అవ్వలేదు. కనీసం ఈ రీమేక్ అయినా అతడికి సక్సెస్ ఇస్తుందేమో చూడాలి!

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..