దిల్ రాజు దగ్గర కథ ఒప్పించం చాలా కష్టం. ఒకసారి ఓకే అయ్యాక.. చకచకా పనులు జరిగిపోతుంటాయి అంటారు. ఇది కొత్త దర్శకులకు, పాత దర్శకులకు.. తొలిసారి దర్శకత్వం వహించడానికి సిద్ధమవుతున్న దర్శకులకు అందరికీ వర్తిస్తుంది. తాజాగా ఇలా తొలిసారి మెగాఫోన్‌ పట్టారు కమెడియన్‌ నల్ల వేణు. చాలా సినిమాల్లో సహాయక పాత్రలతో మెప్పించిన నల్ల వేణు దర్శకుడిగా మారారు. ఇప్పుడు ఆ సినిమాకు పేరు కూడా పెట్టేశారు అని సమాచారం.
దిల్ రాజు ప్రొడక్షన్‌ హౌస్‌ నుండి ఎప్పుడూ సినిమాల మీద సినిమాలు వస్తూనే ఉంటాయి. కొత్త దర్శకుల సినిమాలు, స్టార్‌ దర్శకుల సినిమాలు మిక్స్‌గా వచ్చేస్తుంటాయి. ఆయన కూడా రెండు రకాల సినిమాలకు పక్కాగా ప్లాన్‌ వేసుకొని మరీ ముందుకు వెళ్తుంటారు. అలా వేణు దర్శకత్వంలో ప్రియదర్శి హీరోగా ఓ సినిమా రూపొందుతోంది. ఈ సినిమా చిత్రీకరణ తుదిదశకు వచ్చిందని సమాచారం. ఈ సినిమాకు ‘బలగం’ అనే పేరు పెట్టారని వార్తలొస్తున్నాయి.
తెలంగాణ నేపథ్యంలో ఓ ఎమోషనల్ కథను వేణు చెప్పగా.. దిల్ రాజు బాగా లైక్‌ చేశారని చెబుతున్నారు. దీంతో తానే నిర్మాతగా ఆ సినిమాను ప్రారంభించారు. త్వరలోనే ఈ సినిమా ఫస్ట్ లుక్, టీజర్ బయటికి రానున్నాయి. పెద్ద సినిమాల బిజీ అంతా అయిపోయాక ఈ సినిమాను మెల్లగా విడుదల చేద్దాం అనుకుంటున్నారట. ఆ లెక్కన ఫిబ్రవరిలో తీసుకొస్తారనే చర్చ నడుస్తోంది. భీమ్స్ మ్యూజిక్ అందిస్తున్న ఈ సినిమాలో మంగ్లీ పాడిన పాట హైలైట్‌గా నిలుస్తుందనే టాక్ కూడా బయట ఉంది.
దిల్ రాజు బ్యానర్‌ నుండి చాలా మంది దర్శకులు పరిచయం అయ్యారు. అందులో చాలావరకు మంచి దర్శకులుగా పేరు తెచ్చుకున్నారు. కొన్ని సందర్భాల్లో ఫ్లాప్‌లు వచ్చినా.. చక్కగా రెండో సినిమా ఛాన్స్‌ అదే బ్యానర్‌లో సంపాదించి తమను తాము నిరూపించుకున్నారు కూడా. ఆ ధైర్యంతోనే కొత్త వాళ్లు కూడా డిఫరెంట్‌ కథలతో వస్తుంటారు. మరిప్పుడు వేణు ఎలాంటి కథను సిద్ధం చేసి, సినిమా చేశారో తెలియాలి.
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
