Kaithi 2: ‘ఖైదీ 2’కి పేరు ఫిక్స్‌ చేసిన లోకేశ్‌ కనగరాజ్‌.. అందరికీ తెలిసిన పేరే..

February 24, 2026 / 02:11 PM ISTByFilmy Focus Desk

Join Us

అల్లు అర్జున్‌తో సినిమా అనౌన్స్‌ అయిన నేపథ్యంలో ‘ఖైదీ 2’ సినిమా ఇక అటకెక్కినట్లే అని ఈ మధ్య మాటలు వినిపించాయి. లోకేశ్‌ కనగరాజ్‌ ఇప్పట్లో తమిళ సినిమాలు చేసే పరిస్థితి లేదు.. ఆ లెక్కన ఆయన నుండి వస్తాయి అని ఇప్పటికే వార్తలు వచ్చిన, ప్రకటనలు వచ్చిన సినిమాలు ఇప్పట్లో రావు అని ఓ నమ్మకానికి వచ్చేశారు కోలీవుడ్‌ ఫ్యాన్స్‌. ఎందుకంటే వన్స్‌ టాలీవుడ్‌లో సినిమా చేస్తే.. ఇక ఇక్కడే వరుస సినిమాలు చేస్తారు అంటూ ప్రశాంత్‌ నీల్‌ ఉదాహరణను చెబుతున్నారు తమిళ తంబీలు.

Kaithi 2

దానికి తోడు లోకేశ్‌ కనగరాజ్‌ – అల్లు అర్జున్‌ సినిమా గురించి టాలీవుడ్‌లో పుకార్లు షికార్లు చేస్తున్న సమయంలోనే కార్తి ఏదో ఈవెంట్ కోసం వచ్చి మీడియాకు ఎదురుపడినప్పుడు ‘ఖైదీ 2’ సినిమా గురించి అడిగితే లోకేశే చెప్పాలి అని క్లారిటీ ఇచ్చేశారు. దీంతో ఇప్పట్లో ఈ సినిమా లేదు అనుకున్నారంతా. కానీ ఇప్పుడు కోడంబాక్కం వర్గాల సమాచారం ప్రకారం ఈ సినిమా కథ మీద ప్రస్తుతం లోకేశ్‌ టీమ్‌ పని చేస్తోందట. అంతేకాదు సినిమాకు ఏ టైటిల్‌ బాగుంటుంది అనే అంచనాకు కూడా వచ్చారట.

khaithi

అందరూ ‘ఖైదీ 2’ అంటున్నారు కానీ.. ఈ సినిమా ‘ఖైదీ’ సినిమాకు ముందు కథ. అంటే ప్రీక్వెల్‌. ఆ లెక్కన ఈ సినిమాకు ‘ఖైదీ 2’ పనికి రాదు. అందుకే ఈ సినిమాకు టైటిల్‌గా కార్తి పాత్ర పేరు ‘ఢిల్లీ’ నే పెడదాం అని అనుకుంటున్నారట. అంతా ఓకే అనుకుంటే త్వరలో ఈ పేరుతోనే సినిమాను అనౌన్స్‌ చేస్తారు అని చెబుతున్నారు. ప్రస్తుతం అల్లు అర్జున్‌ – అట్లీ సినిమా నిర్మాణ పనుల్లో ఉండటం వల్ల లోకేశ్‌ టీమ్‌ ఇంకా పనులు ప్రారంభించలేదట. అందుకే ‘ఢిల్లీ’ పనులు చూస్తున్నారట. ఒకసారి కార్తి – లోకేశ్‌ కూర్చుని మాట్లాడితే అంతా సెట్‌ అయి అనౌన్స్‌మెంట్‌ కూడా వచ్చేస్తుంది. ఈలోపు కార్తి తన సినిమాలు పూర్తి చేసుకోవాలి.