Vijay Deverakonda: ‘హర్ట్ అయ్యాడట’.. ఇగో కారణంగానే దిల్ రాజుని విజయ్ అలా చేశాడా?

విజయ్ దేవరకొండ (Vijay Devarakonda), మృణాల్ ఠాకూర్ (Mrunal Thakur), నిర్మాత దిల్ రాజు (Dil Raju)  కాంబినేషన్లో ‘ఫ్యామిలీ స్టార్’ (Family Star)  అనే సినిమా రూపొందిన సంగతి తెలిసిందే. ఏప్రిల్ 5న ఈ సినిమా రిలీజ్ కాబోతోంది. ‘గీత గోవిందం’ (Geetha Govindam) తర్వాత దర్శకుడు పరశురామ్(బుజ్జి) తో (Parasuram) విజయ్ దేవరకొండ చేస్తున్న మూవీ ఇది. ఇదిలా ఉండగా.. రిలీజ్ డేట్ దగ్గర పడుతున్న నేపథ్యంలో ఈరోజు ‘ఫ్యామిలీ స్టార్’ సినిమా ప్రీ రిలీజ్ ప్రెస్ మీట్ ను ఏర్పాటు చేసింది చిత్ర బృందం.

ఇందులో భాగంగా విజయ్ దేవరకొండ చేసిన కొన్ని కామెంట్స్ వైరల్ అవుతున్నాయి. విషయం ఏంటంటే.. గతంలో దిల్ రాజు నిర్మాణంలో ‘కేరింత’ అనే సినిమా వచ్చింది. ఈ సినిమాలో ఓ పాత్ర కోసం విజయ్ దేవరకొండ ఆడిషన్ కి వెళ్తే.. టీం రిజెక్ట్ చేశారట. దీంతో విజయ్ దేవరకొండ ‘ఆ టైంలో నేను చాలా హర్ట్ అయ్యా..ఏదో ఒకరోజు వీళ్ళకి మనమేంటో చూపించాలిరా’ అని అనుకున్నాడట.

విజయ్ ఇలా అనడంతో దిల్ రాజు..’హర్ట్ అయ్యాయి అని చెబుతున్నాడు. కానీ అలా హర్ట్ అవ్వడం వల్లే ఓ పెద్ద ఛాలెంజ్ పెట్టుకుని దూసుకొచ్చాడు. గతంలో అల్లు అర్జున్ వంటి హీరోలకి కూడా ఇలాంటి అనుభవాలే ఎదురయ్యాయి. అందుకే అతను స్టార్ అయ్యాడు. ఇప్పుడు నువ్వు కూడా స్టార్ అయ్యావు. ఇంకా పెద్ద స్టార్ అవ్వాలని కోరుకుంటున్నాను’ అంటూ దిల్ రాజు విజయ్ కి సమాధానం ఇచ్చాడు.

అలాగే ‘ఫ్యామిలీ స్టార్’ కోసం విజయ్ దేవరకొండకి దిల్ రాజు అడ్వాన్స్ ఇచ్చాడట. ఆయన ఓ హీరోకి అడ్వాన్స్ ఇవ్వడం ఇదే మొదటిసారి అని తెలుస్తుంది. ‘ ‘కేరింత’ కి అలా జరగడం వల్లే హర్ట్ అయ్యి అడ్వాన్స్ తీసుకున్నావా?’ అంటూ దిల్ రాజు మళ్ళీ సరదాగా విజయ్ తో అనగా ‘అలాంటిదేమీ లేదు’ అంటూ విజయ్ దేవరకొండ సమాధానం ఇచ్చాడు.