‘ఉప్పెన’ సినిమాతో టాలీవుడ్ లో పాపులర్ హీరోయిన్ గా మారింది కృతిశెట్టి. దాంతో ఆమెకి ఇండస్ట్రీలో అవకాశాలు క్యూ కట్టాయి. ఇటీవల ఆమె సరిగ్గా నటించడం లేదని.. ఓ దర్శకుడు మందలించాడని వార్తలు షికారు చేశాయి. అయితే ఈ విషయంలో నిజమెంత అనేదానిపై ఓ క్లారిటీ వచ్చింది. అసలేం జరిగిందంటే.. రామ్ పోతినేని హీరోగా దర్శకుడు లింగుస్వామి ఓ యాక్షన్ సినిమాను రూపొందిస్తోన్న సంగతి తెలిసిందే. ఇందులో కృతిశెట్టిని హీరోయిన్ గా తీసుకున్నారు.
అయితే షూటింగ్ సమయంలో ఓ ఎమోషనల్ సీన్ తీస్తున్నప్పుడు కృతిశెట్టి నటించడానికి తడబడిందట. ఒక షాట్ కోసం చాలా టేకులు తీసుకుందట. దాంతో లింగుస్వామి కొంచెం గట్టిగా మాట్లాడి సన్నివేశం మూడ్ లోకి వచ్చేలా చేశారు. ఆ తరువాత ఆమె సర్దుకొని నటించగా.. టేక్ ఓకే అయింది. నిజానికి ఎమోషనల్ సన్నివేశాల్లో నటించడం అంత సులువేమీ కాదు. అందులోను కొత్త వాళ్లకు మరింత కష్టంగా ఉంటుంది. ‘ఉప్పెన’ సినిమా కృతి చక్కగా నటించినప్పటికీ..
నటన పరంగా ఆమె ఇంకా రాటుదేలలేదు. కొన్ని సినిమాల్లో నటిస్తే ఆమెకి ఆటోమేటిక్ గా అలవాటు అయిపోతుంది. ప్రస్తుతం ఈ బ్యూటీ ఇంద్రగంటి మోహన్ కృష్ణ దర్శకత్వంలో ‘ఆ అమ్మాయి గురించి మీకు చెప్పాలి’ అనే సినిమాలో నటిస్తోంది. అలానే నితిన్ తో ఓ సినిమా, చైతూతో మరో సినిమాలో నటించడానికి ఒప్పుకుంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
