వందో సినిమా తర్వాత బాలయ్య జోరు మామూలుగా లేదు. ఓ సినిమా షూటింగ్‌లో ఆఖరులో ఉండగానే.. మరో సినిమా స్టార్ట్‌ చేసేస్తున్నారు. అలా తాజాగా ‘భగవంత్‌ కేసరి’ సెట్స్‌ మీద ఉండగానే బాబి కొల్లితో సినిమా ప్రకటించేశారు. #NBK109 అనే వర్కింగ్‌ టైటిల్‌తో ముహూర్తం కూడా జరుపుకున్నారు. త్వరలో పూర్తి స్థాయి షూటింగ్‌ ప్రారంభం అవుతుందని సమాచారం. అయితే తాజాగా వస్తున్న పుకార్ల ప్రకారం అయితే.. ఈ సినిమా కోసం దర్శకుడు బాబి.. బోయపాటిని ఫాలో అవుతున్నారట.
బాలయ్య – బోయపాటి.. టాలీవుడ్‌లో ప్రస్తుతం ఈ కాంబినేషన్‌ను కొట్టేవారే లేరు. రీసెంట్‌ టైమ్స్‌లో త్రివిక్రమ్‌ – అల్లు అర్జున్ కాంబినేషన్‌ తర్వాత ఆ స్థాయి ‘విజయం పక్కా’ అనే నమ్మకం బాలయ్య – బోయపాటి మీదనే ఉంది. ఈ నమ్మకంతోనేమో బాలయ్యతో సినిమా చేసే దర్శకులు అంతా బోయపాటి ఫార్ములాను తెగ వాడేస్తున్నారు. సినిమా చేసేది బాలయ్యతో అనేసరికి ఆయనకు అచ్చొచ్చిన ఫార్ములా ఉండాల్సిందే అనిపిస్తోంది. మరి బాలయ్య అడుగుతున్నారో, వాళ్లకే అనిపిస్తోందో కానీ.. పక్కాగా ఇదే జరుగుతోంది.
మొన్నటికి మొన్న సంక్రాంతికి వచ్చిన ‘వీర సింహా రెడ్డి’ విషయంలో దర్శకుడు గోపీచంద్‌ మలినేని ఇదే ఫాలో అవ్వగా… ఇప్పుడు బాబి కూడా అదే చేయబోతున్నాడు. ఇంత చెబుతున్నారు ఆ ఫార్ములా ఏంటో చెప్పలేదు అనుకుంటున్నారా? ఇంకేముంది ఒక సీనియర్‌ బాలయ్య, ఒక జూనియర్‌ బాలయ్య. బోయపాటి ఈ ఫార్ములా తోనే ప్రేక్షకులను మాయ చేసి, మతలబు చేసి విజయాలు అందుకున్నారు. ఇప్పుడు దాన్ని మిగిలిన దర్శకులు ఫాలో అయ్యి హిట్‌ కొట్టేద్దాం అని చూస్తున్నారు.
బోయపాటి శ్రీను (Boyapati Srinu) సినిమాల తరహాలోనే బాబి సినిమాలోనూ బాలయ్య ఓల్డ్ క్యారెక్టరే మెయిన్ అని తెలుస్తోంది. ఈ సినిమాలో సీనియర్‌ బాలయ్య 70 ఏళ్ల వ్యక్తిగా కనిపిస్తారట. మరో బాలయ్య 30 ఏళ్ల యువకుడిలా నటిస్తారట. మరి ఎలా చూపిస్తారు, ఏం చేస్తారు అనేది తెరపై చూడాలి. శ్రీకర ప్రొడక్షన్స్‌, ఫార్చ్యూన్‌ ఫోర్‌ సినిమాస్‌తో కలసి సితార ఎంటర్‌టైన్మెంట్స్‌ ఈ సినిమా నిర్మిస్తోంది.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home