నేను ఇచ్చిన ఇంటర్వ్యూను పేపర్ లో సరిగా రాయలేదు: కోన వెంకట్

రైటర్ చిన్ని కృష్ణ ఉన్నపళంగా మెగాస్టార్ చిరంజీవి మీద, పవన్ కళ్యాణ్ మీద అనవసరమైన వ్యాఖ్యలు చేసిన మరుసటి రోజు మరో రచయిత కోన వెంకట్ కూడా సాక్షి పేపర్ కి ఇచ్చిన ఇంటర్వ్యూలో పవన్ కళ్యాణ్ గురించి, అతని వ్యవహార శైలి గురించి నెగిటివ్ కామెంట్స్ చేశాడు. అప్పట్లో కత్తి మహేష్ తన స్వప్రయోజనం కోసమే పవన్ కళ్యాణ్ ను తిడుతున్నాడని, పవన్ కళ్యాణ్ చాలా మంచోడని, తన సోల్ మేట్ అని పేర్కొన్న కోన వెంకట్. ఇప్పుడు ఇలా పవన్ కళ్యాణ్ పై నెగిటివ్ కామెంట్స్ చేసేసరికి పవన్ కళ్యాణ్ ఫ్యాన్స్ మాత్రమే కాక.. ఇండస్ట్రీ వర్గాలు కూడా కోన వెంకట్ మీద కోప్పడ్డారు.

• పులిజూదం  రివ్యూ కోసం ఇక్కడ క్లిక్ చెయ్యండి 
• చీకటి గదిలో చితక్కొట్టుడు రివ్యూ కోసం ఇక్కడ క్లిక్ చెయ్యండి
• వినరా సోదర వీర కుమారా సినిమా రివ్యూ కోసం ఇక్కడ క్లిక్ చెయ్యండి  
• వేర్ ఈజ్ ది వెంకటలక్ష్మి  రివ్యూ కోసం ఇక్కడ క్లిక్ చెయ్యండి

దాంతో.. కోన వెంకట్ కి ఈ విషయమై క్లారిటీ ఇవ్వక తప్పలేదు. తాను పవన్ కళ్యాణ్ గురించి తప్పుగా మాట్లాడలేదని, కేవలం పవన్ తాజా రాజకీయ వ్యవహారశైలిపై తన వెర్షన్ ను మాత్రమే చెప్పానని, నా మాటలను సాక్షిపేపర్ సరిగా రాయలేదని, వక్రీకరించిందని కోన వెంకట్ ఒక్కసారిగా యూ టర్న్ తీసుకున్నాడు. తాను ఎప్పటినుంచో వై.ఎస్.ఆర్.సి.పి పార్టీ అభిమాని అని, తన కుటుంబ సభ్యులతోపాటు.. తన స్నేహితుడు కూడా వై.ఎస్.ఆర్.సి.పి పార్టీలో ఉన్నందున తాను ఆ పార్టీకి సపోర్ట్ చేస్తున్నానని, అంతే తప్ప పవన్ కళ్యాణ్ తో ఎలాంటి విబేధాలు లేవని, ఎప్పటికీ తాను పవన్ కళ్యాణ్ కు మంచి స్నేహితుడినేనని కోన వివరణ ఇచ్చుకొన్నాడు.