కోట్లు ఇస్తానన్నా నో చెప్పిన కొరటాల శివ.!

తెలుగు చిత్ర పరిశ్రమలో ప్రస్తుతం ఉన్న టాప్ డైరక్టర్స్ లో కొరటాల శివ (Director Koratala Siva) ఒకరు. హ్యాట్రిక్ అందుకున్న అతనితో సినిమా చేయడానికి స్టార్ హీరోలు క్యూలో ఉన్నారు. శ్రీమంతుడు వంటి హిట్ ఇచ్చిన మహేష్ బాబుతోనే భరత్ అనే నేను సినిమా చేస్తున్నారు. ఈ మూవీ వచ్చే నెల 20 న రిలీజ్ కానుంది. దీని తర్వాత తన కొడుకు అఖిల్ తో సినిమా తీయమని నాగార్జున కొరటాల శివని కోరినట్లు ఫిలింనగర్ వాసులు చెప్పారు. అఖిల్ సినిమాలు ‘అఖిల్, హలో’’ ఆశించినంత ఆనందాన్ని ఇవ్వలేకపోయాయి.

భారీ హిట్ ఒకటి తనయుడికి ఇవ్వాలని నాగ్ తాపత్రయపడ్డారని సమాచారం. కొరటాలకు ఒక సినిమాకు 15 కోట్లు ఇవ్వడానికి ముందుకొచ్చినట్లు టాక్. ప్రస్తుతం కొరటాల శివ సినిమాకి పది కోట్లు తీసుకుంటున్నారు. అంతకు మించి ఐదు కోట్లు ఆఫర్ చేసిన అతను నో చెప్పారంట. ఇతర స్టార్ హీరోలతో ఉన్న కమిట్‌మెంట్స్ కారణంగా నాగార్జున ఆఫర్‌ను సున్నితంగా తిరస్కరించినట్లు తెలిసింది. కొరటాల నో చెప్పడంతో “తొలిప్రేమ”తో ఇండస్ట్రీ  దృష్టిని ఆకర్షించిన యంగ్ డైరెక్టర్ వెంకీ అట్లూరితో అఖిల్ సినిమా చేయడానికి నాగ్ ఓకే చెప్పారు.