సినిమా విడుదలై వారం దాటుతున్నా ఇప్పటికీ “అర్జున్ రెడ్డి” ఫీవర్ నుండి ప్రేక్షకులు బయటపడలేకున్నారు. టాలీవుడ్ టాప్ యాక్టర్స్ అండ్ డైరెక్టర్స్ కూడా ఈ ఫీవర్ నుంచి బయటకు రాలేక తంటాలు పడుతున్నారు. అందులో సెన్సిబుల్ డైరెక్టర్ క్రిష్ ఒకడు. “అర్జున్ రెడ్డి” సినిమా చూసి విపరీతంగా షాక్ అయిన క్రిష్ వెంటనే డైరెక్టర్ సందీప్ రెడ్డికి కాల్ చేసి.. “అర్జున్ రెడ్డి” డివిడి ఉంటే ఇవ్వమని అడిగాడట.
డివిడి ఎందుకు అడిగాడా అని కంగారు పడకండి.. ఆయన ఆ డివిడి అడగడానికి మంచి కారణం ఉంది. “అర్జున్ రెడ్డి” డివిడి చూసి తనకు నచ్చిన సన్నివేశాలను పాజ్ చేసుకొని.. సదరు సన్నివేశాలను ఎలా తెరకెక్కించారో క్లియర్ గా నోట్ చేసుకోవాలనుందట. ఇదే విషయాన్ని సందీప్ రెడ్డికి కూడా చెప్పాడట క్రిష్. ఇక అప్పట్నుంచి సందీప్ కూడా “నాకు లభించిన బెస్ట్ కాంప్లిమెంట్” అంటూ తెగ సంతోషపడిపోతున్నాడు.
Also, do SUBSCRIBE to our YouTube channel to get latest Tollywood updates.
