Vaishnav Tej: ఆ రూమర్స్ పై క్లారిటీ ఇవ్వబోతున్న క్రిష్..?

కరోనా సెకండ్ వేవ్ విజృంభణ వల్ల ఓటీటీల హవా మళ్లీ మొదలైంది. అమెజాన్ ప్రైమ్, నెట్ ఫ్లిక్స్, హాట్ స్టార్, జీ5, సన్ నెక్స్ట్, ఇతర ఓటీటీలు ఇప్పటికే షూటింగ్ పూర్తి చేసుకుని విడుదలకు సిద్ధమైన సినిమాలపై కన్నేశాయి. లవ్ స్టోరీ, టక్ జగదీష్, విరాటపర్వం, ఆచార్య, నారప్ప సినిమాలు వాయిదా పడగా మరికొన్ని సినిమాలు వాయిదా పడే అవకాశాలు ఉన్నాయని వార్తలు వస్తున్నాయి. ఇప్పటికే షూటింగ్ పూర్తి చేసుకుని సరైన రిలీజ్ డేట్ కోసం ఎదురు చూస్తున్న సినిమాల్లో క్రిష్ వైష్ణవ్ తేజ్ మూవీ కూడా ఒకటి.

రకుల్ ప్రీత్ సింగ్ ఈ సినిమాలో హీరోయిన్ గా నటించగా క్రిష్ 45 రోజుల సింగిల్ షెడ్యూల్ లో ఈ సినిమా టాకీ పార్ట్ ను పూర్తి చేశారు. క్రిష్ కొండపొలం అనే పుస్తకం ఆధారంగా విలేజ్ బ్యాక్ డ్రాప్ లో ఈ సినిమాను తెరకెక్కించగా రకుల్ ఈ సినిమాలో డీగ్లామరస్ రోల్ లో నటించారు. ఈ సినిమాకు కొండపొలం లేదా జంగిల్ బుక్ అనే టైటిల్ ఫైనల్ అయ్యే అవకాశాలు ఉన్నాయని సమాచారం. అయితే గత కొన్ని రోజులుగా ఈ సినిమా ఓటీటీలో రిలీజ్ కానుందని ప్రచారం జరుగుతోంది.

వైష్ణవ్ తేజ్ ఫస్ట్ మూవీ ఉప్పెన బాక్సాఫీస్ దగ్గర బ్లాక్ బస్టర్ హిట్ గా నిలిచిన సంగతి తెలిసిందే. వైష్ణవ్ రెండో మూవీ ఓటీటీ ప్రచారంపై క్రిష్ త్వరలో టైటిల్ ను ప్రకటించి స్పష్టత ఇవ్వనున్నారని తెలుస్తోంది. మరి వైష్ణవ్ సినిమా థియేటర్లలో రిలీజవుతుందా..? లేక ఓటీటీలో రిలీజవుతుందా..? తెలియాలంటే కొన్ని రోజులు ఆగాల్సిందే. మరోవైపు ఓటీటీలు భారీగా ఆఫర్లు చేస్తున్న నేపథ్యంలో ఏ సినిమా థియేటర్లలో విడుదలవుతుందో ఏ సినిమా ఓటీటీలో రిలీజవుతుందో చూడాల్సి ఉంది.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!