పవన్ కళ్యాణ్ హీరోగా క్రిష్ దర్శకత్వంలో హరిహర వీరమల్లు సినిమా తెరకెక్కుతోంది. త్వరలో ఈ సినిమా షూటింగ్ కొంతకాలం గ్యాప్ తర్వాత స్టార్ట్ కానుంది. క్రిష్ డైరెక్షన్ లో భారీ బడ్జెట్ తో పాన్ ఇండియా సినిమాగా తెరకెక్కుతున్న ఈ సినిమాపై మంచి అంచనాలు నెలకొన్నాయి. ప్రముఖ నిర్మాతలలో ఒకరైన ఎ.ఎం.రత్నం ఈ సినిమాను నిర్మిస్తున్నారు. ఏప్రిల్ 29వ తేదీకి ఈ సినిమా రిలీజ్ కావాల్సి ఉండగా ఆ తేదీకి ఈ సినిమా విడుదల కావడం కష్టమేనని సమాచారం.
ఈ మధ్య కాలంలో క్రిష్ దర్శకత్వం వహించిన సినిమాలేవీ ఆశించిన స్థాయిలో సక్సెస్ సాధించలేదు. ఎన్టీఆర్ బయోపిక్ భారీ నష్టాలను మిగల్చగా కొండపొలం సినిమాకు పాజిటివ్ టాక్ వచ్చినా బాక్సాఫీస్ వద్ద ఈ సినిమాకు కలెక్షన్లు రాలేదు. హరిహర వీరమల్లు సినిమాతో అయినా క్రిష్ రాత మారుతుందని ఆయన ఫ్యాన్స్ భావిస్తున్నారు. మెగా హీరోలతో క్రిష్ తెరకెక్కించిన సినిమాలేవీ కమర్షియల్ గా సక్సెస్ సాధించలేదు. ఈ ఫ్లాప్ సెంటిమెంట్ ను కూడా బ్రేక్ చేయాల్సిన బాధ్యత క్రిష్ పై ఉంది.
కీరవాణి హరిహర వీరమల్లు సినిమాకు సంగీతం అందించగా నిధి అగర్వాల్ ఈ సినిమాలో హీరోయిన్ రోల్ లో నటిస్తున్నారు. మగధీర తరహాలో రెండు కాలాల్లో ఈ సినిమా తెరకెక్కుతోందని ఇండస్ట్రీ వర్గాలో వినిపిస్తోంది. పవన్ కళ్యాణ్ ఈ సినిమాతో ఇతర భాషల్లో కూడా గుర్తింపును సొంతం చేసుకోవాలని భావిస్తున్నారు. పవన్ అభిమానులు ఈ సినిమాపై చాలా ఆశలు పెట్టుకున్నారు. ఈ సినిమా పవన్ ఫ్యాన్స్ ఆశలను నెరవేరుస్తుందో లేదో చూడాల్సి ఉంది.
షూటింగ్ ను వేగంగా పూర్తి చేసి పవన్ కు కెరీర్ బిగ్గెస్ట్ హిట్ ఇవ్వాలని క్రిష్ భావిస్తున్నారు. హరిహర వీరమల్లు సినిమాకు రికార్డు స్థాయిలో బిజినెస్ జరుగుతోందని ఇండస్ట్రీ వర్గాల్లో వినిపిస్తోంది. ఇప్పటికే విడుదలైన హరిహర వీరమల్లు గ్లింప్స్ ప్రేక్షకులను ఆకట్టుకుంది. మరోవైపు పవన్ నటించిన భీమ్లా నాయక్ ఫిబ్రవరి 25వ తేదీన థియేటర్లలో రిలీజ్ కానుంది.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
