విజయ్ ని మెప్పించలేకపోయిన స్టార్ డైరెక్టర్!

కోలీవుడ్ స్టార్ డైరెక్టర్ మురుగదాస్ కి తెలుగులో కూడా మంచి మార్కెట్ ఉంది. ఆయన పేరు మీదే సినిమాల బిజినెస్ అయిపోయేది. ఆయన తెరకెక్కించిన చాలా సినిమాలను తెలుగులో డబ్ చేసి విడుదల చేశారు. ‘గజినీ’, ‘తుపాకీ’ లాంటి సినిమాలు తెలుగులో బ్లాక్ బస్టర్లుగా నిలిచాయి. అయితే మహేష్ బాబుతో ఆయన చేసిన ‘స్పైడర్’ సినిమా డిజాస్టర్ కావడం.. ఆ తరువాత ‘సర్కార్’, ‘దర్బార్’ లాంటి మామూలు సినిమాలు రావడంతో మురుగదాస్ క్రేజ్ తగ్గుతూ వచ్చింది. ఇదిలా ఉండగా.. మళ్లీ విజయ్ తో మురుగదాస్ సినిమా చేస్తున్నారని తెలియడంతో.. పక్కా బ్లాక్ బస్టర్ అవుతుందనే అంచనాలతో ఉన్నారు అభిమానులు.

ఈ సినిమా ‘తుపాకీ’ సినిమాకి సీక్వెల్ అనే ప్రచారం కూడా జరిగింది. విజయ్, మురుగదాస్ కాంబినేషన్ లో ఇంతకుముందే అధికార సమాచారం కూడా బయటకి వచ్చింది. ఇక ఈ సినిమా పట్టాలెక్కడమే ఆలస్యమని అంతా అనుకున్నారు. కానీ ఇప్పుడు ఈ ప్రాజెక్ట్ నుండి మురుగదాస్ తప్పుకున్నట్లు వార్తలు వస్తున్నాయి. ఈ సినిమాను నిర్మించిన సన్ పిక్చర్స్ అధినేతలకు మురుగదాస్ చెప్పిన కథ నచ్చలేదట. విజయ్ సైతం కథ విషయంలో అంత సంతృప్తిగా లేకపోవడంతో మురుగదాస్ తనకు తానుగా ఈ సినిమా నుండి తప్పుకున్నాడట.

సన్ పిక్చర్స్ వారి వద్ద విజయ్ డేట్లు ఉండడంతో.. మురుగదాస్ స్థానంలో మరో దర్శకుడిని తీసుకొచ్చి సినిమా చేయించడానికి ప్రయత్నిస్తున్నారు. వెట్రిమారన్ కోసం ప్రయత్నించగా.. ఆయన ప్రస్తుతం బిజీగా ఉన్నారని తెలిసింది. దీంతో ‘తడం’ ఫేమ్ దర్శకుడు మగిళ్ తిరుమణిని సంప్రదిస్తున్నారట. ప్రస్తుతం విజయ్ ‘మాస్టర్’ సినిమాలో నటిస్తున్నాడు. అలానే లేడీ డైరెక్టర్ సుధా కొంగరతో సినిమా చేయడానికి అంగీకరించాడు.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?