టాలీవుడ్ ఇండస్ట్రీలోని ప్రముఖ దర్శకులలో నాగ్ అశ్విన్ (Nag Ashwin) ఒకరు కాగా కల్కి (Kalki 2898 AD) సినిమాతో నాగ్ అశ్విన్ కు ఏ రేంజ్ విజయం దక్కనుందో మరికొన్ని గంటల్లో తేలిపోనుంది. ఈ సినిమాలో టాలీవుడ్ కు చెందిన ప్రముఖ నటీనటులు గెస్ట్ రోల్స్ లో కనిపిస్తారని జరుగుతున్న ప్రచారానికి సంబంధించి నిజానిజాలు తెలియాల్సి ఉంది. అయితే నాగ్ అశ్విన్ సక్సెస్ స్టోరీకి సంబంధించిన విషయాలు నెట్టింట వైరల్ అవుతున్నాయి. నాగ్ అశ్విన్ సాధారణంగా కనిపించే అసాధారణ ప్రతిభ ఉన్న వ్యక్తులలో ఒకరనే సంగతి తెలిసిందే.
విద్యార్థి దశలోనే స్కూల్ మ్యాగజైన్ కు ఆయన ఎడిటర్ గా పని చేశారు. హీరో రానా (Rana) నాగ్ అశ్విన్ కు క్లాస్ మేట్ కావడం గమనార్హం. నాగ్ అశ్విన్ తల్లీదండ్రులు డాక్టర్లు కాగా తర్వాత రోజుల్లో నాగ్ అశ్విన్ అసిస్టెంట్ డైరెక్టర్ గా మారారు. నేను మీకు తెలుసా సినిమాకు అసిస్టెంట్ డైరెక్టర్ గా పని చేసి నాగ్ అశ్విన్ 4,000 రూపాయల పారితోషికం అందుకున్నారు. రానా నటించిన లీడర్ సినిమా ట్రైలర్ ను కట్ చేసింది నాగ్ అశ్విన్ కావడం గమనార్హం.
ఒక షార్ట్ ఫిల్మ్ తో ప్రశంసలు అందుకున్న నాగ్ అశ్విన్ ఎవడే సుబ్రమణ్యం (Yevade Subramanyam) సినిమాతో తొలి హిట్ అందుకున్నారు. రెండో సినిమాగా మహానటి (Mahanati) తెరకెక్కించి నాగ్ అశ్విన్ హిట్ ఖాతాలో వేసుకున్నారు. మూడో సినిమా కల్కి 600 కోట్ల రూపాయల బడ్జెట్ తో తెరకెక్కింది. నాగ్ అశ్విన్ ఈ సినిమాతో సక్సెస్ సొంతం చేసుకోవడం ఖాయమని తెలుస్తోంది.
నాగ్ అశ్విన్ తొలి సినిమాతో నంది అవార్డ్, రెండో సినిమాతో నేషనల్ అవార్డ్ అందుకున్నారంటే ఆయన ప్రతిభ ఏపాటిదో అర్థమవుతుంది. నాగ్ అశ్విన్ కల్కి సినిమాతో మరిన్ని అవార్డులను అందుకోవడం ఖాయమని తెలుస్తోంది. తన రేంజ్ ఏంటో సినిమాల ద్వారా చేతల్లో చూపిస్తూ నాగ్ అశ్విన్ కెరీర్ పరంగా అంతకంతకూ ఎదుగుతున్నారు.
Home