రీసెంట్‌గా చాలా కష్టపడి డిజాస్టర్‌ అందుకున్న హీరో, తొలి ప్రయత్నంలో ఫ్లాప్‌ చవిచూసిన హీరోయిన్‌, పెద్ద హీరో దొరికినా అవకాశాన్ని రెండు చేతులా ఉపయోగించుకోలేకపోయిన దర్శకుడు… ఈ ముగ్గురూ కలసి ఓ సినిమా చేయబోతున్నారా? అవుననే అంటున్నాయి టాలీవుడ్ వర్గాలు. అయితే ఈ ముగ్గురూ గతంలో ఓ ఇండస్ట్రీ హిట్‌ ఇచ్చారు. ఏంటీ.. ఇదంతా ఓ పజిల్‌లా ఉందా. ఎందుకు ఇలా చెబుతున్నాం అంటే.. ఇప్పుడు వాళ్ల రీసెంట్‌ కెరీర్‌ కూడా అలానే పజిల్‌లానే ఉంది కాబట్టి.
ఇప్పుడు క్లియర్‌ పాయింట్‌ లోకి వస్తే.. ‘గీత గోవిందం’ సినిమా టీమ్‌ మరోసారి కలవబోతోంది. ప్రస్తుతం సోషల్‌ మీడియాలో, టాలీవుడ్లో దీని గురించే చర్చ నడుస్తోంది. విజయ్‌ దేవరకొండ హీరోగా పరశురామ్‌ ఓ సినిమా ప్లాన్‌ చేస్తున్నారని వార్తలొస్తున్నాయి. ఇందులో కథానాయికగా రష్మిక మందనను హీరోయిన్‌గా అనుకుంటున్నారని చెబుతున్నారు. అంతా అనుకున్నట్లుగా జరిగితే.. త్వరలోనే ఈ సినిమా గురించి అధికారిక ప్రకటన వచ్చే అవకాశం ఉంది.
‘పెళ్ళిచూపులు’ సినిమాతో హీరోగా ఫేమ్‌ సంపాదించుకున్న విజయ్‌ దేవరకొండ ‘గీత గోవిందం’తో యంగ్‌ స్టార్‌ అయిపోయాడు. ఆ సినిమాతో రష్మిక టాలీవుడ్‌కి స్టార్‌ హీరోయిన్‌గా మారిపోయింది. ఆ తర్వాత ఈ ఇద్దరూ కలసి చేసిన సినిమా వర్కౌట్‌ కాకపోయినా.. కాంబినేషన్‌కి మాత్రం ఇప్పటికీ క్రేజ్‌ ఉంది. ఇద్దరూ ఫ్రెండ్స్‌గా మాల్దీవులు ట్రిప్‌కి వెళ్లేంత చనువు కూడా ఏర్పడింది. దీంతో ఈ ఇద్దరూ ఎప్పుడు ఒక దగ్గర కనిపించినా ట్రెండింగే.
అలాంటి ఇద్దరు కలసి ఓ సినిమా చేస్తున్నారు అంటే ఆసక్తికరమే కదా. అందుకే ఈ కాంబినేషన్‌ అనే పేరు వినిపించగానే నెటిజన్లు ఆసక్తి కనబరుస్తున్నారు. మరోవైపు ‘గీత గోవిందం’ దర్శకుడితో అనేసరికి.. ఆ మ్యాజిక్‌ ఎక్స్పెక్ట్‌ చేస్తున్నారు. మరి పరశురామ్‌ ఎలాంటి కథతో వస్తారో చూడాలి. ఇక బాలకృష్ణతో ఓ సినిమా ఉంటుందని ఈ మధ్య పరశురామ్‌ చెప్పిన విషయం తెలిసిందే. ఈ నేపథ్యంలో ఏ సినిమా ముందు, ఏది తర్వాత అనేది తెలియాలి.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
