సంజన క్షమాపణలు చెప్పాలని డిమాండ్ చేస్తున్న డైరక్టర్

“మీటూ” ఉద్యమం దారితప్పుతోంది. హీరోయిన్స్ తమ పబ్లిసిటీ కోసం స్టార్లపైన ఆరోణలు చేస్తున్నారని కొంతమంది అంటున్నారు. తాజాగా దర్శకుడు రవి శ్రీవత్స మాటలు బట్టి చూస్తే అది నిజమనిపిస్తోంది. ‘గండ హెండతి’ చిత్రం షూటింగ్‌ సందర్భంగా లైంగిక వేధింపులకు పాల్పడ్డారని డైరక్టర్ రవి శ్రీవత్సపై నటి సంజనా ఆరోపణలు చేశారు. షూటింగ్‌లో మొదట ఒక ముద్దు అంటూ 10, ఆ తర్వాత 30 ముద్దులు పెట్టారంటూ సంజనా చెప్పారు. దీనిపై బుధవారం మీడియాతో ఆయన మాట్లాడారు. “గండ హెండతి” చిత్రం షూటింగ్‌ సందర్భంగా లైంగిక వేధింపులకు పాల్పడ్డారని సంజనా ఆరోపించారు. ఆమె చేసిన ఆరోపణలన్నీ అబద్ధాలు. ముద్దులు పెట్టేందుకు సినిమా తీయలేదు. ఈ సినిమాలో చాలా మంది సీనియర్‌ నటీమణులు, సీనియర్‌ పాత్రికేయుడు రవి బెళగెరె సైతం ఉన్నారు.

ఇంతమంది షూటింగ్‌లో ఉండగా తాను ఎలా ముద్దు పెట్టగలనని అన్నారు.” అని హెచ్చరించారు. ఇంకా ఆయన మాట్లాడుతూ.. “ఒకటికి రెండు సార్లు సినిమా గురించి తెలిపాకే ఆమెను తీసుకున్నాను. హిందీ సినిమా ‘మర్డర్‌’ రీమేక్‌ అని చెప్పి ఆ సినిమా సీడీని కూడా ఇచ్చి చూడమన్నాను. సంజనా పబ్లిసిటీ కోసమే ఇలా ఆరోపణలు చేస్తున్నారు. శుక్రవారం మధ్యాహ్నం ఒంటి గంటలోగా క్షమాపణలు చెప్పాలని లేదంటే ఆమెపై చట్టపరమైన చర్యలు తీసుకుంటాను” అని హెచ్చరించారు. ఈ మీడియా సమావేశంలో పాల్గొన్న మరో దర్శకుడు వి.నాగేంద్ర ప్రసాద్‌ మాట్లాడుతూ “కొంతమంది #మీటూను దుర్వినియోగం చేస్తున్నారు. దర్శకుల సంఘం సంజనా ఆరోపణలను ఖండిస్తోంది” అని స్పష్టం చేశారు. సంజన దీనిపై ఏవిధంగా స్పందిస్తుందోనని అందరూ ఎదురుచూస్తున్నారు.