Jeevitha Rajasekhar: సీనియర్ హీరో సినిమా.. డైరెక్టర్ ఎందుకు మారాడో..!

November 26, 2021 / 05:36 PM ISTByFilmy Focus

Join Us

Jeevitha Rajasekhar: సీనియర్ హీరో సినిమా.. డైరెక్టర్ ఎందుకు మారాడో..!

‘కల్కి’ సినిమా తరువాత రాజశేఖర్ కెరీర్ లో గ్యాప్ వచ్చింది. ముందుగా ‘కపటధారి’ సినిమాలో నటించడానికి ఓకే చెప్పి ఆ తరువాత ప్రాజెక్ట్ నుంచి తప్పుకున్నారు. మలయాళ సినిమా ‘జోసెఫ్’ను రీమేక్ చేయడానికి రెడీ అయ్యారు. ‘శేఖర్’ పేరుతో ఈ సినిమాను ప్రకటించిన సంగతి తెలిసిందే. ఈ సినిమా అనౌన్స్ చేసిన తరువాత రాజశేఖర్ కరోనా బారిన పడడంతో కొన్ని నెలల పాటు సినిమాను హోల్డ్ లో పెట్టేశారు. ఆ తరువాత సెట్స్ పైకి వచ్చింది. ఇప్పుడు ఫస్ట్ టీజర్ తో ప్రేక్షకులను అలరించింది ఈ సినిమా.

అయితే ఇందులో డైరెక్టర్ పేరు చూసిన అంతా ఆశ్చర్యానికి గురవుతున్నారు. ముందు ప్రకటించిన దర్శకుడి పేరు లలిత. కానీ ఇప్పుడు డైరెక్టర్ పేరు దగ్గర జీవితా రాజశేఖర్ అని ఉంది. అసలు లలిత్ ను ఎందుకు తీసేయాల్సి వచ్చిందనే విషయం ఆసక్తికరంగా మారింది. ఇదిలా ఉండగా.. గతంలో తన భర్త సినిమాల విషయంలో జీవిత ఇలా మధ్యలో బాధ్యతలు తీసుకోవడం జరిగింది. అలానే రాజశేఖర్ హీరోగా ఆమె ‘శేషు’, ‘ఎవడైతే నాకేంటి’, ‘ఆప్తుడు’, ‘మహంకాళి’ వంటి సినిమాలను తెరకెక్కించారు జీవిత.

ఇందులో దాదాపుగా అన్నీ రీమేక్‌లే. ‘శేఖర్’ కూడా రీమేకే కావడంతో జీవితకు పని ఈజీ అయిపోతుంది. ఈ సినిమా కోసం రాజశేఖర్ సరికొత్త లుక్ లో కనిపిస్తున్నారు. థ్రిల్లర్ కాన్సెప్ట్ తో ఈ సినిమాను తెరకెక్కిస్తున్నారు.