అయ్యారే, అప్పట్లో ఒకడుండేవాడు సినిమాలతో ప్రతిభ ఉన్న దర్శకునిగా పేరు సొంతం చేసుకున్న సాగర్ కె చంద్ర అయ్యప్పనుమ్ కోషియమ్ రీమేక్ భీమ్లా నాయక్ కు పని చేసే అవకాశాన్ని సొంతం చేసుకున్న సంగతి తెలిసిందే. ఇప్పటికే ఈ సినిమా నుంచి రిలీజైన పోస్టర్లు, వీడియోలు ప్రేక్షకుల నుంచి పాజిటివ్ రెస్పాన్స్ సొంతం చేసుకుని సాగర్ కె చంద్ర టాలెంటెడ్ డైరెక్టర్ అని ప్రూవ్ చేశాయి. త్రివిక్రమ్ శ్రీనివాస్ ఈ సినిమాకు కథనం, డైలాగ్స్ అందించడంతో ఈ సినిమాకు రికార్డు స్థాయిలో బిజినెస్ జరుగుతోంది.
మలయాళంలో బ్లాక్ బస్టర్ హిట్ గా నిలిచిన అయ్యప్పనుమ్ కోషియమ్ కు రీమేక్ గా ఈ సినిమా తెరకెక్కుతోంది. సాగర్ కె చంద్ర ఒక ఇంటర్వ్యూలో మాట్లాడుతూ ఈ సినిమాకు డైరెక్షన్ ఛాన్స్ వచ్చిన సమయంలో పవన్ నటిస్తున్నారని తనకు తెలియదని ఈ ప్రాజెక్ట్ ఓకే అయిన వెంటనే తనకు చాలా సంతోషం కలిగిందని అన్నారు. పవన్, రానా స్టార్ డమ్ కు అనుగుణంగా కథను బ్యాలెన్సింగ్ గా చేశామని సాగర్ అన్నారు.
తెలుగు రాష్ట్రాల్లో పవన్ స్టార్ హీరో కంటే ఎక్కువ కావడంతో ఆ బ్యాలెన్స్ మెయింటైన్ చేశామని దర్శకుడు చెప్పుకొచ్చారు. పవన్ తో కలిసిపోవడానికి తనకు రెండు రోజుల సమయం పట్టిందని రానాను దోసకాయలా చల్లటి స్వభావం ఉన్న వ్యక్తిగా భావిస్తానని సాగర్ కె చంద్ర పేర్కొన్నారు. జనవరి 12వ తేదీన రిలీజయ్యే ఈ సినిమా ఎలాంటి రికార్డులు క్రియేట్ చేస్తుందో చూడాల్సి ఉంది.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
