స్టార్ హీరో విక్రమ్ గురించి ప్రేక్షకులకు కొత్తగా పరిచయం చేయాల్సిన అవసరం లేదు. విక్రమ్ నటనకు ఎంతోమంది అభిమానులు ఉన్నారు. సినిమా కోసం విక్రమ్ ఏ స్థాయిలో కష్టపడతారో కథలుకథలుగా చెప్పుకుంటారు. అపరిచితుడు, ఐ, శివపుత్రుడు సినిమాలు చూస్తే విక్రమ్ ఎంత గొప్ప నటుడో అర్థమవుతోంది. పాపులర్ సెలబ్రిటీలు సైతం విక్రమ్ నటనను ఎంతగానో అభిమానిస్తారు. అయితే ఒక డైరెక్టర్ మాత్రం విక్రమ్ కు నటించడం రాదంటూ కామెంట్లు చేశారు.
కోలీవుడ్ దర్శకుడు, ప్రముఖ నటి దేవయాని భర్త రాజకుమారన్ మాట్లాడుతూ విక్రమ్ గొప్ప నటుడని నేను అనుకోవడం లేదని అన్నారు. విక్రమ్ ఉత్తమ నటుడని నేను అంగీకరించనని ఆయన చెప్పుకొచ్చారు. విక్రమ్ కమల్, రజనీలా నటించగలడని అంతేనని ఆయన అభిప్రాయం వ్యక్తం చేశారు. అలా కాకుండా ఎలా నటించాలో కూడా విక్రమ్ కు తెలియదని ఆయన అన్నారు.
విక్రమ్ గెటప్ లు మాత్రమే మార్చగలడని క్లోజప్ షాట్స్ లో మేకోవర్, విజువల్ ఎఫెక్ట్స్ లేకుండా ఎలా నటించాలో విక్రమ్ కు తెలియదని స్పెషల్ ఎఫెక్ట్స్ లేకుండా విక్రమ్ ఆకట్టుకోలేకపోయాడని నేను విక్రమ్ తో ఒక సినిమాను తెరకెక్కించగా నాకు అదే సమస్య వచ్చిందని మంచి నటుడు అంటే ఎమోషన్స్ ను పండించాలని రాజకుమారన్ వెల్లడించారు. క్లోజప్ షాట్ ల సమయంలో విక్రమ్ అలాంటి నటనను ప్రదర్శించలేదని ఆయన తెలిపారు.
రాజకుమారన్ చేసిన కామెంట్ల విషయంలో విక్రమ్ అభిమానులు మండిపడుతున్నారు. విక్రమ్ పై అసూయతో రాజకుమారన్ ఈ తరహా కామెంట్లు చేస్తున్నారని ఫ్యాన్స్ చెబుతున్నారు. విక్రమ్ స్థాయిని తగ్గించేలా మాట్లాడటం రాజకుమారన్ కు తగదని నెటిజన్ల నుంచి కామెంట్లు వ్యక్తమవుతూ ఉండటం గమనార్హం. రాజకుమారన్ చేసిన కామెంట్స్ నెట్టింట హాట్ టాపిక్ అవుతున్నాయి. విక్రమ్ (Vikram) ప్రస్తుతం తంగలాన్ అనే సినిమాలో నటిస్తుండగా ఈ సినిమాపై అంచనాలు అంతకంతకూ పెరుగుతుండటం గమనార్హం.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home
