Jd Chakravarthy: మా అమ్మ హాస్పిటల్ లో ఉంది అని చెప్పినా.. జె.డి.చక్రవర్తి మోసం చేశాడు..!

July 27, 2022 / 07:45 PM ISTByFilmy Focus

Join Us

Jd Chakravarthy: మా అమ్మ హాస్పిటల్ లో ఉంది అని చెప్పినా.. జె.డి.చక్రవర్తి మోసం చేశాడు..!

ఒకప్పుడు మంచి కొరియోగ్రాఫర్‌, తర్వాత దర్శకుడిగా కూడా మారాడు. మొదటి సినిమానే సూపర్ హిట్ అయ్యింది. దెబ్బకి అతని క్రేజ్ అమాంతం పెరిగిపోయింది. అటు తర్వాత అంతే ఫాస్ట్ గా పడిపోయాడు. అతను మరెవరో కాదు అమ్మ రాజశేఖర్. కొన్నాళ్ళు ఎవ్వరికీ కనపడకుండా మాయమైపోయిన అమ్మ రాజశేఖర్.. ‘బిగ్ బాస్ 4’ లో కంటెస్టెంట్ గా ఎంట్రీ ఇచ్చి ప్రేక్షకులను ఎంటర్టైన్ చేశాడు. హౌస్ లో నుండి బయటకు వచ్చాక మళ్ళీ డైరెక్టర్ గా బిజీ కావాలని ప్రయత్నిస్తున్నాడు.

ఇటీవల అతను ‘హైయ్ ఫైవ్’ అనే చిత్రాన్ని తెరకెక్కించాడు. దాని ప్రమోషన్ల కోసం పలు యూట్యూబ్ ఛానల్స్ కు ఇంటర్వ్యూలు కూడా ఇచ్చాడు. ఆ సందర్భంలో ఇతను టాలీవుడ్ సెలబ్రిటీల పై చేసిన కామెంట్స్ వైరల్ అవుతున్నాయి. ముఖ్యంగా జేడీ చక్రవర్తి అతని దగ్గర డబ్బులు ఎగ్గొట్టాడు అంటూ చేసిన కామెంట్స్ వైరల్ అవుతున్నాయి. అతను మాట్లాడు.. ‘నాకు అర్జున్‌ సర్‌ గురువు. తర్వాత నాకు సపోర్ట్‌ చేసిన వ్యక్తి జేడీ చక్రవర్తి. జేడీ, నేను కలిసి సినిమా తీద్దామనుకున్నాం.

‘ఉగ్రం’ అనే కథని ఫైనల్‌ చేసి జేడీకి రూ.4 లక్షలు ఇచ్చాను. జేడీ డైరెక్షన్లో ఇన్‌వాల్వ్‌ అవుతారని ఆ టైంలో నేను విన్నాను. అది నాకు ఇష్టం లేక వెంటనే వెళ్లి అడిగేశా.అందుకు అతను… “మీరున్నారుగా మాస్టర్‌, నేను మధ్యలో ఎందుకు ఇన్వాల్వ్ అవుతాను అన్నాడు. సినిమా అంతా అనుకున్నట్లుగా పూర్తయింది. నిర్మాత నక్షత్ర మంచి వ్యక్తి.కానీ అతనికో ఫ్రెండ్‌ ఖాసిం ఉండేవాడు. అతడు జేడీకి వీరాభిమాని అంటూ చేతిపై జేడీ అని పచ్చబొట్టు వేయించుకున్నాడు. వాడేదో కామెడీ చేస్తున్నాడనుకున్నాను. వాడు చేసేది ఓవరాక్షన్‌ అని జేడీ తెలుసుకోలేదు.

పైగా వాడి మాట విని డైరెక్షన్లో దూరేసి కెలికేసాడు. లాభాల్లో 50 శాతం వాటా నాకు ఇవ్వాలనేది అగ్రిమెంట్. మంచి రేటుకే అమ్మారు కానీ నా వాటా నాకు ఇవ్వలేదు. మా అమ్మ హాస్పిటల్ లో ఉన్నప్పుడు జె.డి కి ఫోన్ చేసి కనీసం నాకు రావలసిన 5 లక్షలు ఇవ్వమన్నాను ఇవ్వలేదు. పోనీ రైట్స్ అన్నీ ఇచ్చేస్తా నాకు లక్ష రూపాయలైనా ఇవ్వమని అడిగాను. అది కూడా ఇవ్వలేదు. నన్ను మోసం చేశాడు. వాడెవడో మాట విని నన్ను నమ్మడం మానేసి సినిమాని కూడా పోగొట్టాడు’ అంటూ అమ్మ రాజశేఖర్ చెప్పుకొచ్చాడు.