కరోనా సెకండ్ వేవ్ భయంకరంగా విజృంభిస్తుంది. రోజు రోజుకు లక్షల్లో కేసులు నమోదవుతున్నాయి. మరణించే వారి సంఖ్య కూడా వేలల్లో ఉండడం ఆందోళన కలిగించే విషయం. ఓ పక్క లాక్ డౌన్, కర్ఫ్యూ వంటివి అమలు చేస్తున్నా.. మరోపక్క వ్యాక్సిన్ ప్రక్రియ నిర్వహిస్తున్నా దీని తీవ్రత మాత్రం తగ్గడం లేదు.సామాన్యులతో పాటు సినిమా సెలబ్రిటీలు సైతం కరోనా బారిన పడటం ప్రాణాలు కోల్పోతుండడం మనం చూస్తూనే వస్తున్నాం. ఇటీవల టి.ఎన్.ఆర్ వంటి నటులు, జర్నలిస్ట్.. కూడా మృతి చెందడం టాలీవుడ్ ను కుదిపేసింది.
ఇదిలా ఉండగా…. తాజాగా టాలీవుడ్ యంగ్ డైరెక్టర్ సుబ్బు ఇంట్లో విషాదం చోటుచేసుకుంది.అతని తల్లి కరోనాతో మృతి చెందారు. వివరాల్లోకి వెళితే.. దర్శకుడు సుబ్బు తల్లి మంగమ్మ గారికి ఇటీవల కరోనా సోకింది.దీంతో ఆమెను మొదట హోమ్ ఇసోలేషన్లో ఉంచి ట్రీట్మెంట్ ఇప్పించారు. అయితే ఆదివారం రోజున పరిస్థితి విషమించడంతో వెంటనే ఆమెను ఆసుపత్రికి తరలించారు. కానీ హాస్పిటల్ లో టైంకి ఐసీయూ బెడ్ దొరకకపోవడంతో ఆమె మరణించినట్లు తెలుస్తుంది.
దర్శకుడు సుబ్బు ఆమెను బ్రతికించుకోవాలని చాలా ప్రయత్నించాడు. కానీ ఫలితం లేకపోయింది. దీంతో టాలీవుడ్లో విషాద ఛాయలు అల్లుకున్నాయి.కొంతమంది టాలీవుడ్ సెలబ్రిటీలు సుబ్బు కుటుంబానికి ప్రగాఢ సంతాపాన్ని తెలియజేస్తున్నారు. ఇక సుబ్బు మెగా మేనల్లుడు సాయి తేజ్ తో ‘సోలో బ్రతుకే సో బెటర్’ చిత్రాన్ని తెరకెక్కించాడు. ఈ చిత్రంతోనే థియేటర్లు మళ్ళీ తెరుచుకున్నాయి.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
