Teja: ‘కొత్త’ కలలకు కరోనా అడ్డంకి వేసింది

May 11, 2021 / 04:39 PM ISTByFilmy Focus

Join Us

Teja: ‘కొత్త’ కలలకు కరోనా అడ్డంకి వేసింది

తేజ కొత్త వాళ్లను పెట్టి సినిమా తీస్తున్నారు అంటే అందులో ఏదో విషయం ఉంది అనుకుంటుంటారు మన సినిమా వాళ్లు. అందులోనూ రెండేళ్ల తర్వాత సినిమా చేస్తున్నాడు అంటే ఇంకాస్త ఆసక్తి. ఈసారి 50 మంది కొత్తవాళ్లతో సినిమా అనేసరికి ఇంట్రెస్ట్‌ డబుల్‌ అయ్యింది. కానీ వాళ్లందరి ఆశలు మీద నీళ్లు చల్లింది కరోనా. అవును కరోనా వరుస వేవ్‌ల కారణంగా సినిమా వాయిదా పడిందని సమాచారం. తిరిగి ఎప్పుడు ప్రారంభిస్తారనే విషయం కూడా తెలియడం లేదు.

రెండేళ్ల క్రితం ‘సీత’ సినిమాతో ఆఖరిగా వెండితెర మీదకు వచ్చారు తేజ. జోనర్‌ మార్చుకొని తేజ చేసిన సినిమా కావడంతో నమ్మకాలు పెట్టుకున్నారు ప్రేక్షకులు. కానీ అనుకోని విధంగా బెడిసికొట్టింది. దీంతో మరోసారి తనకు అచ్చొచ్చిన కొత్తవాళ్ల స్టైల్‌లోకి వచ్చేశారు. 50 మంది కొత్తవాళ్లతో సినిమా అని ప్రకటించారు. దీంతో అభిమానులు, ప్రేక్షకుల్లో ఆసక్తి పెరిగింది. దానికి తోడు ఇందులో ఎన్టీఆర్‌ భార్య లక్ష్మీ ప్రణతి సోదరుడు హీరోగా నటిస్తాడని వార్తలు కూడా వచ్చాయి.

Director Teja Announces Heroes And Titles Of His Next Two Films

ఎన్టీఆర్ బావమరిది నటించడంపైన ఎక్కడా అధికారిక సమాచారం అయితే రాలేదు. కానీ హీరో పాత్రకు తప్ప మిగిలిన వారి కోసం తేజ ఆడిషన్స్‌ నిర్వహిస్తారని వార్తలొచ్చాయి. దీంతో హీరోగా ఆయనే అని అందరూ అనేసుకున్నారు. తీరా ఇప్పుడు కరోనా వల్ల ఆడిషన్స్ ఆగిపోయాయి. అంటే సినిమా వాయిదా పడినట్లే. ఎప్పుడు ఆడిషన్స్‌ పెడతారు అనే దానికీ సమాధానం లేదు. ఎందుకంటే కరోనా ఎప్పుడు తగ్గుతుంది అనే విషయం తెలియదు కాబట్టి.