నటుడు రానా సోలోగా హిట్టు కొట్టిన సినిమాల్లో ‘నేనే రాజు నేనే మంత్రి’ సినిమా ముందు వరసలో ఉంటుంది. దర్శకుడు తేజకి ఇది కమ్ బ్యాక్ ఫిలిం. ఇప్పుడు ఈ కాంబినేషన్ లో మరో సినిమా పట్టాలెక్కడానికి రెడీ అవుతోంది. రానా చివరిగా ‘విరాటపర్వం’ అనే సినిమాలో నటించారు. ఈ సినిమా పెద్దగా ఆడలేదు. గుణశేఖర్ దర్శకత్వంలో ‘హిరణ్య కశ్యప’ సినిమాను మొదలుపెడతారని వార్తలొచ్చాయి. కానీ ఈ సినిమాపై ఎలాంటి అప్డేట్ లేదు.
ప్రస్తుతం రానా కొత్త సినిమాలేవీ ఒప్పుకోలేదు. నెట్ ఫ్లిక్స్ కోసం ఆయన చేసిన ‘రానా నాయుడు’ అనే వెబ్ సిరీస్ రిలీజ్ కు సిద్ధమవుతోంది. ఇదిలా ఉండగా.. దర్శకుడు తేజతో కలిసి ఓ సినిమా చేయాలనుకుంటున్నారు రానా. ఇటీవల రానాని కలిసి తేజ ఓ కథ చెప్పారట. రానాకి నచ్చడంతో కథ సురేష్ బాబు వరకు వెళ్లింది. ఆయన కూడా ఓకే చేయడంతో ఈ ప్రాజెక్ట్ దాదాపు ఫైనల్ అయినట్లేనని చెబుతున్నారు.
ఇదివరకు రానా కోసం ‘రాక్షస రాజు రావణాసురుడు’ అనే టైటిల్ తో సినిమా చేయాలనుకున్నారు తేజ. అది కూడా సురేష్ ప్రొడక్షన్స్ లోనే. కానీ ఆ ప్రాజెక్ట్ కార్యరూపం దాల్చలేదు. ఇప్పుడు ఆ కథను పక్కన పెట్టి వేరే కథతో సినిమా చేయబోతున్నారు తేజ. దగ్గుబాటి అభిరామ్ హీరోగా ‘అహింస’ అనే సినిమాను తెరకెక్కిస్తున్నారు తేజ. ఇటీవల ఈ సినిమాకి సంబంధించిన కొన్ని పోస్టర్స్ ను విడుదల చేశారు. త్వరలోనే ఈ సినిమా ప్రేక్షకుల ముందుకు రానుంది. ఈ సినిమా రిజల్ట్ తో సంబంధం లేకుండా రానా ప్రాజెక్ట్ ను సెట్స్ పైకి తీసుకెళ్లడానికి ప్లాన్ చేస్తున్నారు.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
