ఇండస్ట్రీలో ఎవరి టైం ఎప్పుడు ఎలా నడుస్తుంది అనే విషయాన్ని అంచనా వేయడం కష్టం. హిట్ కొడితే అవకాశాలు వస్తాయి అంటారు.. ఒక్కోసారి హిట్టు కొట్టినా ఖాళీగా ఉండే సెలబ్రిటీలను కూడా మనం చూస్తూనే వస్తున్నాం. సరిగ్గా ఇప్పుడు దర్శకుడు వేణు శ్రీరామ్ పరిస్థితి అలాగే ఉంది. అతను ఇండస్ట్రీలో అడుగుపెట్టి 10 ఏళ్ళు కావస్తోంది. ఇన్నేళ్ళలో అతను చేసిన సినిమాలు కేవలం మూడంటే మూడు మాత్రమే. 2011 నవంబర్ లో అతను డైరెక్ట్ చేసిన ‘ఓ మై ఫ్రెండ్’ చిత్రం రిలీజ్ అయ్యింది. తర్వాత 2017 డిసెంబర్ లో అతని రెండవ చిత్రం ‘ఎం.సి.ఎ’ విడుదలైంది.
ఇక మూడో సినిమా రావడానికి 2021 వరకు అంటే 4 ఏళ్ళు టైం పట్టింది. నిజానికి ‘వకీల్ సాబ్’ కంటే ముందు అల్లు అర్జున్ తో ‘ఐకాన్’ అనే సినిమా చేస్తాడని ప్రకటన వచ్చింది. కానీ ఎందుకో ఆ ప్రాజెక్టు హోల్డ్ లో పడింది. అది ఎలా ఉన్నా.. పవన్ తో సినిమా చేసే ఛాన్స్ కొట్టేయడంతో యావత్ టాలీవుడ్ దృష్టి ఇతని పై పడింది. ఆ అవకాశాన్ని సద్వినియోగపరచుకుని ‘వకీల్ సాబ్’ తో సూపర్ హిట్ ను అందుకున్నాడు. ఒక్కసారిగా పెద్ద డైరెక్టర్ల లిస్ట్ లో చేరిపోయాడు. ‘వకీల్ సాబ్’ తర్వాత ఇతనికి పెద్ద హీరోలతో సినిమా చేసే అవకాశం వస్తుందని అంతా అనుకున్నారు.
కానీ అలా జరగలేదు. ఇప్పట్లో పెద్ద హీరోలు ఎవ్వరూ ఖాళీగా లేరు. నాని లేదా సాయి తేజ్ లతో తన నెక్స్ట్ సినిమా చేసేందుకు వేణు ప్రయత్నిస్తున్నాడు. కానీ వాళ్ళు కూడా వరుస ప్రాజెక్టులతో బిజీగా ఉన్నారు. ఈ నేపథ్యంలో నాగార్జునతో సినిమా చేయాలని వేణు ఆశపడుతున్నట్టు వినికిడి. వేణు కి నాగ్ అంటే చాలా ఇష్టం. అతని కోసం మంచి స్క్రిప్ట్ రెడీ చేసుకునే పనిలో వేణు ఉన్నట్టు ఇన్సైడ్ టాక్. చూడాలి మరి..!
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
