‘లోఫర్’ చిత్రంతో తెరంగేట్రం చేసిన దిశా పటాని తెలుగు ప్రేక్షకులకి కూడా సుపరిచితమనే చెప్పాలి. వరుసగా బాలీవుడ్ చిత్రాల్లో నటిస్తూ బిజీగా ఉంది. సల్మాన్ ఖాన్ నటిస్తున్న ‘భారత్’ చిత్రంలో కూడా ఈ భామ ఓ కీలక పాత్ర పోషిస్తోంది. జూన్ 5 న ఈ చిత్రం ప్రేక్షకుల ముందుకు రానుంది. ఇదిలా ఉండగా… ఈ మధ్య ఓ ‘ఇన్నర్ గార్మెంట్స్’ కంపెనీకి బ్రాండ్ అంబాసిడర్ గా పనిచేస్తుంది దిశా పటాని. ఇక వీటి ప్రమోషన్లలో భాగంగా.. తరచూ లోదుస్తులు వేసుకుంటూ హాట్ హాట్ ఫోజులిస్తూ ఉన్న ఫోటోలు తన సోషల్ మీడియాలో పోస్ట్ చేస్తుంది ఈ భామ. కుర్రకారుని హీటెక్కించేలా ఉండే ఫోటోలు వైరల్ అవుతున్నప్పటికీ… చాలా మంది దిశాని ట్రోల్ చేస్తూ వస్తున్నారు. తాజాగా తన పై జరుగుతోన్న ట్రోలింగ్ పై స్పందించింది ఈ బాలీవుడ్ భామ.
ఈ విషయం పై దిశా మాట్లాడుతూ.. “సోషల్ మీడియాలో నా పై నెగెటివ్ కామెంట్స్ చేసేవారిని అస్సలు పట్టించును. అటువంటి విషయాల పై అసలు శ్రద్ధ పెట్టను.ఆన్ లైన్ లో ఉండే చాలా మందిలో ఎవరైతే.. వారి లైఫ్ లో హ్యాపీగా లేని వాళ్ళు, అలాగే ఫ్రస్ట్రేషన్ తో ఉన్న వాళ్ళు, మానసిక స్థితి బాలేని వాళ్ళు అటువంటి కామెంట్స్ చేస్తుంటారు. వాటిని నేను పెద్దగా పట్టించుకోను… కేవలం పాజిటివ్ విషయాల మీదే దృష్టి పెడతాను” అంటూ చెప్పుకొచ్చింది.
