తెలుగు ఇండస్ట్రీలో ఢీ, రెడీ, దూకుడు,బాద్ షా లాంటి బ్లాక్ బ్లస్టర్స్ తో ఒక్క వెలుగు వెలిగిపోయారు దర్శకులు శ్రీనువైట్ల. కానీ గత మూడు సంవత్సరాలుగా మనోడికి ఏది కలిసిరావడం లేదు. సూపర్ స్టార్ మహేష్ బాబుతో ఆగడు ఎన్నో అంచనాలపై విడుదల అయ్యింది..కానీ బాక్సాఫీస్ వద్ద బొక్కబోర్లా పడింది.
తర్వాత మెగా కుర్రోడు రాంచరణ్ తో ‘బ్రూస్ లీ’సినిమాతో హిట్ కొట్టొచ్చని భావించారు కానీ ఆ సినిమా కూడా అట్టర్ ఫ్లాప్ కావడంతో ఈ దర్శకుడికి బ్యాడ్ టైమ్ మొదలైంది. అంతే కాదు ఇదే సమయంలో తన వ్యక్తిగత జీవితంలో కూడా ఎన్నో ఆటుపోట్లు సంభవించాయి.
