Dj Tillu OTT: ఆహా ఓటిటిలో విశేషాదరణ దక్కించుకుంటున్న డిజె టిల్లు..!

March 5, 2022 / 06:34 PM ISTByFilmy Focus

Join Us

Dj Tillu OTT: ఆహా ఓటిటిలో విశేషాదరణ దక్కించుకుంటున్న డిజె టిల్లు..!

ఫిబ్రవరి 12న విడుదలై ఘన విజయం సాధించింది డిజె టిల్లు మూవీ. విమల కృష్ణ దర్శకత్వంలో తెరకెక్కిన ఈ చిత్రాన్ని సితార ఎంటర్టైన్మెంట్స్ బ్యానర్ పై సూర్య దేవర నాగవంశీ ‘ ఫార్చ్యూన్ ఫోర్ ‘ బ్యానర్ తో కలిసి నిర్మించాడు. ఓ డార్క్ కామెడీ ఎంటర్టైనర్ గా రూపొందిన ఈ చిత్రంలో హీరో సిద్దు జొన్నలగడ్డ పక్క తెలంగాణ కుర్రాడిగా అద్భుతంగా నటించి మెప్పించాడు. అంతకు ముందు అతను ఒకటి రెండు సినిమాల్లో హీరోగా నటించినప్పటికీ డిజె టిల్లు అతనికి మంచి బ్రేక్ ఇచ్చింది.

ఓ రకంగా అతని కెరీర్ కు ఈ మూవీ ఓ టర్నింగ్ పాయింట్ అని చెప్పాలి. ఇక హీరోయిన్ నేహా శెట్టి కూడా తన గ్లామర్ తో కుర్రకారుని ఓ ఊపు ఊపేసింది. ఆమె కూడా రెండు సినిమాల్లో నటించినప్పటికీ ఈ మూవీ మంచి బ్రేక్ ఇచ్చిందని చెప్పాలి. 2022 కి టాలీవుడ్ కు మొదటి బ్లాక్ బస్టర్ ను అందించిన డిజె టిల్లు ఫిబ్రవరి 4 న ఆహా ఓటిటిలో కూడా రిలీజ్ అయ్యి ఇక్కడ కూడా విశేషాదరణ దక్కించుకుంటుంది.

తెలుగు కంటెంట్ తో ప్రారంభమైన ఆహా అనతి కాలంలోనే నంబర్ వన్ ఓటిటి ప్లాట్ ఫామ్ గా ఎదిగింది. ఇటీవల తమిళ్ లో కూడా లాంచ్ అయ్యి అక్కడి ప్రేక్షకుల్ని కూడా అలరిస్తున్న సంగతి తెలిసిందే. ప్రతీ శుక్రవారం ఆహా లో ఓ కొత్త సినిమా రిలీజ్ అవుతుంది. ఈ వారం డిజె టిల్లు రిలీజ్ అయ్యింది. కొన్ని గంటల్లోనే ఈ చిత్రానికి రికార్డ్ వ్యూయర్ షిప్ నమోదు అయ్యింది. దీంతో చిత్ర బృందంతో పాటు ఆహా టీమ్ కూడా హర్షం వ్యక్తం చేస్తుంది.