సినిమా ట్రైలర్ తో అంచనాలు పెంచేసిన ‘డీజే టిల్లు’ రిలీజ్ తరువాత కూడా అదే క్రేజ్ తో దూసుకుపోతున్నాడు. విడుదలకు ముందు వచ్చిన హైప్ సినిమాకి బాగా కలిసొచ్చింది. మొదటిరోజే హిట్ టాక్ రావడంతో కలెక్షన్స్ కూడా అదే రేంజ్ లో వస్తున్నాయి. ఏపీ, నైజాంలో కలిపి ఈ సినిమా ఫస్ట్ డే రూ.4 కోట్ల షేర్ ను రాబట్టింది. ఈ విషయాన్ని చిత్రబృందం అఫీషియల్ గా వెల్లడించింది.
అందుతున్న సమాచారం ప్రకారం.. నైజాంలో విడుదలైన మొదటిరోజే ‘డీజే టిల్లు’ బ్రేక్ ఈవెన్ సాధించాడు. తొలిరోజు ఈ సినిమాకు రెండు కోట్లకు పైగా డిస్ట్రిబ్యూషన్ షేర్ వచ్చింది. దీంతో నైజాంలో ఈరోజు నుంచి లాభాల బాట పట్టినట్లైంది. ఏపీలో కూడా ఇదే రేంజ్ లో షేర్ వచ్చినట్లు తెలుస్తోంది. ఓవర్సీస్ కూడా ఈ సినిమా సత్తా చాటుతోంది. తొలిరోజు యూఎస్ లో రెండు లక్షల డాలర్లకు పైగా వసూళ్లు వచ్చాయి.
ఓవర్సీస్ నుంచి వచ్చిన రెస్పాన్స్ తో ఈరోజు నుంచి సినిమాకు, కొన్ని కీలకమైన రాష్ట్రాల్లో స్క్రీన్ కౌంట్ పెంచుతున్నారు. మొత్తానికి ‘డీజే టిల్లు’ సినిమా హిట్ టాక్ తో దూసుకుపోతుంది. ఈ సినిమా ‘ఖిలాడి’ కలెక్షన్స్ పై ప్రభావం చూపడం ఖాయమని తెలుస్తోంది. ‘ఖిలాడి’ సినిమాను కొన్నిథియేటర్ల నుంచి తీసేసి ‘డీజే టిల్లు’ని ప్రదర్శించే అవకాశాలు ఉన్నాయి.
సిద్ధు జొన్నలగడ్డ, నేహా శెట్టి హీరోహీరోయిన్లుగా నటించిన ఈ సినిమాను విమల్ కృష్ణ డైరెక్ట్ చేశారు. విమల్ కృష్ణ, సిద్ధు జొన్నలగడ్డ కలిసి ఈ సినిమాకు కథ, మాటలు రాశారు. తెలంగాణ యాస కూడా సినిమాకి ప్లస్ అయింది. తమన్ బ్యాక్ గ్రౌండ్ స్కోర్ అందించగా.. సితార ఎంటర్ టైన్ మెంట్స్ బ్యానర్ పై భారీ బడ్జెట్ సినిమాను నిర్మించారు.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home