హృదయ కాలేయం సినిమా ద్వారా ఇండస్ట్రీకి పరిచయమయ్యారు నటుడు సంపూర్ణేష్ బాబు. ఈ సినిమా ద్వారా ఎంతో మంచి సక్సెస్ అందుకున్నటువంటి ఈయన పలు కామెడీ సినిమాలు ద్వారా ప్రేక్షకులను కడుపుబ్బా నవ్విస్తున్నారు. ఇక హృదయ కాలేయం సినిమా ద్వారా దర్శకుడు సాయి రాజేష్ కూడా ఎంతో మంచి హిట్ అందుకున్నారు. తాజాగా సాయి రాజేష్ దర్శకత్వంలో వచ్చిన బేబీ సినిమా కూడా అదే స్థాయిలో మంచి సక్సెస్ అందుకుంది.
బేబీ సినిమా మంచి సక్సెస్ కావడంతో ఎన్నో ఇంటర్వ్యూలకు హాజరవుతున్నటువంటి సాయి రాజేష్ తన మొదటి సినిమా హృదయ కాలేయం గురించి అలాగే సంపూర్ణేష్ బాబు గురించి పలు విషయాలు తెలియజేశారు.సంపూర్ణేష్ బాబు సినిమాలలో ట్రై చేస్తూ క్యారెక్టర్ ఆర్టిస్టుగా తనకి ఏదైనా చిన్న అవకాశం ఉంటే కల్పించమని పలు స్టూడియోలో చుట్టు తిరుగుతూ ఉన్నారు. ఒకసారి ప్రసాద్ ల్యాబ్ కు వెళ్ళినప్పుడు ఆయన తన ఫోటోలు ఇచ్చి ఏదైనా అవకాశం ఉంటే చూడాలని చెప్పి వెళ్లారు.
ఆరోజు నేను సంపూర్ణేష్ బాబుని చూడగా చాలా విచిత్రమైన గెటప్ లో కనిపించారు నేను అనుకున్నటువంటి హృదయ కాలేయం సినిమాకు ఈయనైతే కరెక్ట్ గా సరిపోతారని భావించి తనకు సినిమాలలో అవకాశం ఇచ్చాను అయితే నా దగ్గర ఏలాంటి డబ్బు లేదు మీకు ఇవ్వడానికి అని చెప్పారు నేనే నీకు ఇస్తానని చెప్పి తనతో ఈ సినిమా చేశామని సాయి రాజేష్ ఈ సందర్భంగా హృదయ కాలేయం సినిమా గురించి తెలిపారు.
ఇక సంపూర్ణేష్ బాబు (Sampoornesh Babu) సినిమాలలోకి రాకముందు హైదరాబాదులో ఒక గోల్డ్ షాప్ లో పనిచేసేవారని ఈయన తెలియజేశారు. ఇలా గోల్డ్ షాప్ లో పనిచేస్తూ అవకాశాల కోసం తిరుగుతూ ఉండేవారు. అయితే ఆ సమయంలో ఈయనకు నెలకు 7500 జీతం ఇచ్చేవారని ఈ సందర్భంగా సంపూర్ణేష్ బాబు గురించి దర్శకుడు సాయి రాజేష్ చేసినటువంటి ఈ కామెంట్స్ వైరల్ అవుతున్నాయి.
ఆ హీరోల భార్యల సంపాదన ఎంతో తెలిస్తే షాక్ అవ్వాల్సిందే..!
రాంచరణ్ టు నాని.. ఈ 10 మంది హీరోలకి మొదటి వంద కోట్ల సినిమాలు ఇవే..!
పాత్ర కోసం ఇష్టాలను పక్కన పడేసిన నటులు వీళ్లేనా..!
