కార్తీ ఈ ఏడాది మూడు చిత్రాలు విడుదల చేసాడు. మొదట విడుదలైన ‘దేవ్’ చిత్రం డిజాస్టర్ కాగా.. దీపావళి కి విడుదలైన ‘ఖైదీ’ చిత్రం బ్లాక్ బస్టర్ గా నిలిచింది. ఈ చిత్రం ఏమాత్రం అంచనాలు లేకుండా విడుదలయ్యి.. మంచి కలెక్షన్లను రాబట్టింది. తెలుగు రాష్ట్రాల్లో ఈ చిత్రాన్ని కొనుగోలు చేసిన ప్రతీ బయ్యర్ సేఫ్ అయ్యాడు. ఇక ఆ చిత్రం తరువాత కార్తీ నుండీ వచ్చిన మరో చిత్రం ‘దొంగ’ నిన్న (డిసెంబర్ 20న) విడుదలయ్యింది. ఈ చిత్రానికి పాజిటివ్ టాక్ లభించింది. అయినప్పటికీ ఓపెనింగ్స్ కనీసం రాలేదనే చెప్పాలి.
ఈ చిత్రాన్ని తెలుగులో 4 కోట్లకు కొనుగోలు చేశారు. అయితే ఈ చిత్రంతో పాటు ‘రూలర్’ ‘ప్రతీరోజూ పండగే’ ‘దబంగ్ 3’ వంటి క్రేజీ సినిమాలు కూడా విడుదలకావడంతో ఈ చిత్రాన్ని పెద్దగా ఎవ్వరూ పట్టించుకోవట్లేదు. ఇక మొదటిరోజు ఈ చిత్రం కేవలం 0.23 కోట్ల షేర్ ను మాత్రమే రాబట్టింది. ‘ఖైదీ’ చిత్రం క్రేజ్ ను కార్తీ దొంగ చిత్రానికి క్యాష్ చేసుకోలేకపోయాడనే చెప్పాలి. ఇక రెండో రోజు (శనివారం నాడు) కూడా ఈ చిత్రం బుకింగ్స్ చాలా డల్ గా ఉన్నాయి. ఇక మొదటి వీకెండ్ ను కూడా ఈ చిత్రం పెద్దగా క్యాష్ చేసుకోలేదేమో అనే అనుమానాలు కూడా వ్యక్తమవుతున్నాయి.
రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!
