టాలీవుడ్ నేటి తరం యాక్టర్స్‌లో వెర్సటైల్‌ అనే బిరుదుకు తగ్గ నటుడు సత్యదేవ్‌. హీరో పాత్రలే కావాలి అని అనుకోకుండా… వచ్చిన ప్రతి పాత్రా చేసుకుంటూ వచ్చాడు. అందులో తనదైన ముద్ర వేశాడు కూడా. అందుకే పెద్ద పాత్రలు ఇప్పుడు వెతుక్కుని వస్తున్నాయి. కష్టపడి, ఇష్టపడి నటించేవారికి ఎప్పటికైనా మంచి పాత్రలు దక్కుతాయని పెద్దలు చెప్పారు. ఇప్పుడు సత్యదేవ్‌ విషయంలో ఈ విషయం పక్కాగా కనిపిస్తోంది. మరి అలాంటి సత్యదేవ్‌ ఎలాంటి పాత్రలు చేయాలనుకుంటున్నారో తెలుసా?
ప్రతి ఒక్క నటుడి విషయంలో డ్రీమ్ రోల్స్‌ ఉంటాయి. ఎప్పటికైనా ఆ పాత్ర చేయాలని ఆలోచిస్తూ ఉంటారు. అలా సత్యదేవ్‌ కూడా రెండు పాత్రల మీద మనసు పెట్టుకున్నారు. ‘ఆపద్బాంధవుడు’లో చిరంజీవి పోషించి పాత్ర ఒకటి అయితే, రెండోది ‘సూపర్ డీలక్స్‌’లో విజయ్‌ సేతుపతి జీవించిన పాత్ర. అలాంటి పాత్రలు ఎప్పటికైనా చేయాలని సత్యదేవ్‌ అనుకుంటున్నారు. అలాగే ‘నాయకుడు’ సినిమాలో కమల్ హాసన్‌ నటన కూడా బాగా ఇష్టపడతారట సత్యేదేవ్‌.
ఇప్పటివరకు మీరు నటించిన సినిమాలు, మీ పాత్రల విషయమై మీరు సంతృప్తి చెందారా? అని అడిగితే… ‘‘నేను నటుడిగా సంతృప్తికర స్థితికి చేరుకోవడానికి ఇంకో 20 నుండి 30 ఏళ్లు పడుతుంది. ప్రస్తుతం అయితే కొత్త తరహా పాత్రలు చేయాలనే ఆకలేస్తోంది’’ అని చెప్పుకొచ్చారు సత్యదేవ్‌. మరి ఇలాంటి పాత్రలు రాసి, వాటి కోసం సత్యదేవ్‌ను తీసుకునే దర్శకుడు ఎవరు అనేది చూడాలి.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
