టాలీవుడ్ సీనియర్ హీరో విక్టరీ వెంకటేష్ వరుస సినిమాలు ఒప్పుకుంటూ బిజీ హీరోగా మారారు. ప్రస్తుతం ఈయన చేతుల్లో మూడు, నాలుగు సినిమాలు ఉన్నాయి. అందులో ‘దృశ్యం 2’ ఒకటి. మలయాళ సినిమాకి రీమేక్ గా తెరకెక్కుతోన్న ఈ తెలుగు వెర్షన్ షూటింగ్ ను ఇప్పటికే పూర్తి చేశారు. పోస్ట్ ప్రొడక్షన్ కార్యక్రమాలు కూడా పూర్తి కావొస్తున్నాయి. అయితే దీనికంటే ముందు వెంకీ నటించిన ‘నారప్ప’ సినిమాను రిలీజ్ చేసి ఆ తరువాత ‘దృశ్యం 2’ సంగతి చూడాలనేది సురేష్ బాబు ప్లాన్.
ఈ మధ్య కాలంలో ‘దృశ్యం 2’ ఓటీటీలో వస్తుందనే ప్రచారం జరగగా.. అలాంటిదేమీ లేదని సురేష్ బాబు స్పష్టం చేశారు. థియేటర్లలోనే ఈ సినిమాను విడుదల చేయాలనుకున్నారు. అయితే ఇప్పుడు ఆ ఆలోచనలో మార్పు వచ్చిందని.. ఓటీటీలో విడుదల చేసే విధంగా సురేష్ బాబు ప్రణాళికలు చేస్తున్నాడని సమాచారం. థియేటర్లు ఆగస్టు వరకు తెరుచుకునే ఛాన్స్ లేదు. అప్పుడు కూడా వంద శాతం ఆక్యుపెన్సీ ఉండదు. ‘నారప్ప’ను రిలీజ్ చేసి గ్యాప్ ఇచ్చి ‘దృశ్యం 2’ను రిలీజ్ చేస్తే మరింత ఆలస్యమయ్యే అవకాశాలు ఉన్నాయి.
అందుకే ఈ సినిమాను ఓటీటీలో రిలీజ్ చేయడానికి సురేష్ బాబు రెడీ అవుతున్నట్లు వార్తలొస్తున్నాయి. ఇప్పటికే అమెజాన్ ప్రైమ్ సంస్థతో చర్చలు కూడా జరిపారని.. డీల్ కూడా ఓకే అయిందని.. త్వరలోనే దీని గురించి ప్రకటన వచ్చే అవకాశం ఉందని అంటున్నారు. కుదిరితే జూన్ నెలలలోనే ఈ సినిమాను ప్రైమ్ లో రిలీజ్ చేయొచ్చని అంటున్నారు. మలయాళ ‘దృశ్యం 2’ని నేరుగా ప్రైమ్ లోనే రిలీజ్ చేసిన సంగతి తెలిసిందే. మరి తెలుగు వెర్షన్ విషయంలో కూడా అదే జరుగుతుందేమో చూడాలి!
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home
