సూర్య, కార్తి కలసి నటిస్తే చూడాలని ఎంతమందికి ఉంది అని సినీ గోయర్స్‌ దగ్గర పోల్‌ పెడితే… వందకు వంద శాతం ఓట్లు అవును అనే పడతాయి. ఎందుకంటే ఆ కాంబినేషన్‌ ఇచ్చే వైబ్స్‌ అలాంటివి. చాలా రోజులుగా ఈ కాంబినేషన్‌ కోసం ఎదురుచూసిన ఫ్యాన్స్‌కు ఆ ఛాన్స్‌… వచ్చినట్లే వచ్చి వెనక్కి వెళ్లిపోయింది అని అంటున్నారు. సూర్య 43వ సినిమాగా ఈ సినిమా ఉంటుంది అని కూడా అనుకున్నారు. కానీ ఇప్పుడు వేరే హీరో కార్తి బదులు వచ్చి నటిస్తున్నాడని అంటున్నారు.
‘సూరారై పోట్రు’ అలియాస్‌ ‘ఆకాశం నీ హద్దురా’తో హిట్‌ కాంబో అయ్యారు డైరెక్టర్‌ సుధా కొంగర, హీరో సూర్య. ఆ సినిమా తర్వాత వీరిద్దరూ మరో సినిమా చేయనున్నారంటూ కొన్ని రోజులుగా వార్తలు వస్తున్నాయి. దీనిపై క్లారిటీ కోసం చాలా రోజుల నుండి ప్రయత్నాలు జరుగుతున్నాయి. అయితే దీనిపై స్పష్టత రాకపోగా ఇప్పుడు మరో రూమర్‌ చక్కర్లు కొడుతోంది. ఈ సినిమాలోని కీలక పాత్ర కోసం మలయాళ హీరో దుల్కర్‌ సల్మాన్‌ని (Dulquer Salmaan) టీమ్‌ సంప్రదించిందట. స్క్రిప్టు నచ్చడంతో ఆయన కూడా ఓకే చెప్పారు అని అంటున్నారు.
అయితే ఇక్కడ విషయం ఏంటంటే… ఆ పాత్ర కోసం తొలుత కార్తిని అనుకున్నారట. అయితే ఇప్పుడు కార్తి వెనక్కి తగ్గడంతో ఆ పాత్ర కోసం వెతుకులాట మొదలైందట. అందులో భాగంగానే దుల్కర్‌ సల్మాన్‌ను తీసుకుంటున్నారట. త్వరలోనే ఈ సినిమా అనౌన్స్‌మెంట్‌ ఉంటుందని సమాచారం. అలాగే డిసెంబరులో ఈ సినిమా సెట్స్‌పైకి వెళ్తుందని అంటున్నారు. ‘సూరారై పోట్రు’ సినిమాకు జాతీయ అవార్డు వచ్చిన విషయం తెలిసిందే.
ప్రస్తుతం ఇదే సినిమాను సుధా కొంగర హిందీలో రీమేక్‌ చేస్తున్నారు. అక్షయ్‌ కుమార్‌ హీరోగా ఈ సినిమాలో నటిస్తున్నారు. అందులో అతిథి పాత్రలో సూర్య కనిపిస్తాడు. త్వరలోనే ఈ సినిమా విడుదలవుతుంది. ఆ తర్వాత సూర్య సినిమా ఉంటుంది అంటున్నారు. నిజానికి సుధా కొంగర ‘ఆకాశం నీ హద్దురా’ తర్వాత కొత్త సినిమా కోసం చాలామంది హీరోలకు కథలు చెప్పారు. కానీ ఏమైందో ఏమో ఏదీ ఓకే కాలేదు.
ఆ హీరోల బ్యాక్ గ్రౌండ్ తెలిస్తే షాక్ అవుతారు..!
‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!
