ఈ వారం సినిమాల లెక్క చూశారా!

October 3, 2022 / 05:34 PM IST

Join Us

దసరాకు సరదాలు మామూలుగా ఉండవు. ఊరు ఊరంతా ఆ రోజుల భలే సరదాగా గడిపేస్తారు. ఒకవేళ మీరు సినిమా లవర్స్‌ అయితే మీకు ఈసారి డబుల్‌ బొనాంజానే. ఎందుకంటే ఈ దసరా పండగ.. డబుల్‌ ఫీస్ట్‌ ఇవ్వడానికి సిద్ధమైపోయింది. థియేటర్లలో మూడు తెలుగు సినిమాలు వస్తుండగా, ఓటీటీల్లో అయితే సినిమాలే సినిమాలు వస్తున్నాయి. ఆ లిస్ట్‌ మీద ఓ లుక్కేయండి ఓ పనైపోతుంది.

* బ్రహ్మగా చిరంజీవి ఈ నెల 5న వచ్చేస్తున్నారు. అదేంటి.. ఇదేం సినిమా అనుకుంటున్నారా? ఇంకేం సినిమా ‘గాడ్‌ఫాదర్‌’ చిత్రమే. మలయాళ ‘లూసీఫర్‌’ రీమేక్‌గా ఈ సినిమా రూపొందిన విషయం తెలిసిందే. నయనతార, సల్మాన్‌ ఖాన్‌, సత్యదేవ్‌ ఇతర ముఖ్య పాత్రధారులు. మోహన్‌రాజా దర్శకుడు.

* నాగార్జున పొడవాటి కత్తిపట్టుకున్నా, పెద్ద గన్‌ పట్టుకున్నా.. అదిరిపోతుంది. ఈ రెండూ ఉన్న చిత్రం ‘ది ఘోస్ట్‌.’ ప్రవీణ్‌ సత్తారు తెరకెక్కించిన ఈ సినిమా కూడా ఐదో తేదీన వస్తోంది. సోనాల్‌ చౌహాన్‌ కథానాయికగా నటించిన ఈ సినిమాలో నాగ్‌ లుక్‌కి భలే హైప్‌ వచ్చింది కూడా.

* రెండు పెద్ద సినిమాల మధ్యలో కొత్త కుర్రాడు గణేష్‌ బెల్లంకొండ కూడా వచ్చేస్తున్నాడు. వర్ష బొల్లమ్మతో కలసి ‘స్వాతిముత్యం’ అంటూ ఈనెల 5నే వస్తున్నాడు. లక్ష్మణ్‌ కె. కృష్ణ దర్శకుడు కాగా సితార ఎంటర్‌టైన్మెంట్స్‌ ఈ సినిమా నిర్మించింది.

పైవి థియేటర్లలో వచ్చే సినిమాలు. ఇప్పుడు ఓటీటీల్లో వచ్చే సినిమాల సంగతి చూద్దాం.

* ఇటీవల విడుదలైన సినిమాల్లో ‘కార్తికేయ 2’ అందుకున్న విజయం గురించి కథలు కథలుగా వినుంటారు. ఎంతోమందిని ఆకట్టుకున్న ఈ కృష్ణుడు కథ ఐదో తేదీనే జీ5లో వచ్చేస్తోంది. అనుపమ పరమేశ్వర్‌ కథానాయికగా నటించిన ఈ సినిమాను చందూ మొండేటి తెరకెక్కించారు.

* కల్యాణ్‌రామ్‌కి చాలా రోజులుగా హిట్‌ లేని సమస్యను తీర్చిన చిత్రం ‘బింబిసార’. వశిష్ట తెరకెక్కించిన ఈ టైమ్‌ ట్రావెల్‌ మూవీని అక్టోబరు 7న జీ5లో స్ట్రీమ్‌ చేస్తారని సమాచారం

* వైష్ణవ్‌ తేజ్‌ – కేతిక శర్మ జంటగా తెరకెక్కిన చిత్రం ‘రంగ రంగ వైభవంగా’. గిరీశాయ తెరకెక్కించిన ఈ వారమే వచ్చింది. ఈ సినిమా స్ట్రీమింగ్‌ ఇప్పటికే మొదలైంది.

* అనసూయ, సునీల్‌ ‘దర్జా’ సినిమాను అక్టోబరు 5 నుండి ఆహాలో స్ట్రీమ్‌ చేస్తారు. అదే రోజు ‘ఉనికి’ అనే మరో సినిమా కూడా సిద్ధంగా ఉంటుంది.

* అక్టోబరు 6న ‘మజా మా’ అనే హిందీ సినిమా అమెజాన్‌ ప్రైమ్‌లో స్ట్రీమ్‌ అవుతుంది. జీ5లో అక్షయ్‌ కుమార్‌ కొత్త హిందీ సినిమా ‘రక్షాబంధన్‌’ అక్టోబరు 5 నుండి స్ట్రీమ్‌ అవుతుంది. కన్నడ సినిమా ‘గాలి పటా 2’ కూడా స్ట్రీమ్‌ అయ్యేది అప్పుడే.

* ఎక్స్‌పోజ్‌డ్‌ అనే వెబ్‌సిరీస్‌ అక్టోబరు 6 నుండి డిస్నీ ప్లస్‌ హాట్‌ స్టార్‌లో స్ట్రీమ్‌ చేస్తున్నారు. ‘ప్రే’ అనే హాలీవుడ్‌ సినిమా అక్టోబరు 7 నుండి వస్తుంది. సోనీలివ్‌ అక్టోబరు 5 నుండి ‘ఈషో’ స్ట్రీమ్‌ అవుతుంది. మలయాళం, తెలుగులో ఈ సినిమా అవైలబుల్‌లో ఉంటుంది.