హీరోయిన్ కి షాకిచ్చిన ఈడీ.. ఆస్తులు సీజ్!

May 1, 2022 / 02:06 PM ISTByFilmy Focus

Join Us

హీరోయిన్ కి షాకిచ్చిన ఈడీ.. ఆస్తులు సీజ్!

బాలీవుడ్ హీరోయిన్ జాక్వెలిన్ ఫెర్నాండేజ్ చిక్కుల్లో పడింది. రెండొందల కోట్ల రూపాయల మొత్తం చీటింగ్ కేసులకు సంబంధించి ఏదీ కస్టడీలో ఉన్న సుఖేష్ చంద్ర‌శేఖ‌ర‌న్ నుంచి కాస్ట్లీ గిఫ్ట్స్ అందుకున్నట్లుగా ఆరోపణలు ఎదుర్కొంటుంది జాక్వెలిన్. ఈ క్రమంలో ఆమె ఆస్తులను జప్తు చేశారు అధికారులు. ఆమెకి సంబందించిన రూ.7 కోట్ల ఫిక్స్ డ్ డిపాజిట్ల‌ను ఈడీ అటాచ్ చేసింది. ఈ మొత్తాన్ని అక్రమ ఆదాయంగానే భావిస్తూ జప్తు చేసింది.

ఈ విషయాన్ని ఈడీ ప్రకటించింది. అంతేకాదు.. జాక్వెలిన్ ను ఈడీ మరోసారి విచారణకు పిలవనుందనే వార్తలు కూడా వస్తున్నాయి. మరి ఆస్తుల జప్తుతో జాక్వెలిన్ కేవలం ఆ ఆస్తులను మాత్రమే కోల్పోతుందా..? లేక ఆమెని కూడా మోసంలో భాగస్వామిగా ఈడీ అరెస్ట్ వరకు తీసుకెళ్తుందా..? అనేది ఇప్పుడు చర్చనీయాంశంగా మారింది.

నేషనల్ మీడియాకు ఈడీ ఇచ్చిన లీకులు, లేకా ఉన్న ఊహాగానాల ప్రకారం.. జాక్వెలిన్ కు సుఖేష్ నుంచి భారీ గిఫ్ట్ లు అందాయి. ఖరీదైన కార్లు, బ్యాగులు, కుటుంబ సభ్యులకు ఇచ్చిన బహుమానాలు.. ఇవన్నీ కలిపి సుఖేష్ నుంచి జాక్వెలిన్ కు అందిన బహుమానాల విలువ మొత్తం రూ.7 కోట్ల వరకు ఉంది. ఇప్పుడు జాక్వెలిన్ ఫిక్స్ డ్ డిపాజిట్ల మొత్తం కూడా ఏడు కోట్ల రూపాయ‌ల పైనే ఉంది. ఆ మొత్తాల‌ను ఈడీ జ‌ప్తు చేసింది.

Jacqueline Fernandez facing problems1

స్వాధీనం చేసుకోలేదు కానీ ప్రస్తుతం ఆ మొత్తాన్ని ఫ్రీజ్ చేసింది. ఒకవేళ సుఖేష్ నుంచి మొత్తాలను రాబట్టడం మొదలుపెడితే.. జాక్వెలిన్ అకౌంట్ లోని మొత్తాలను ఈడీ రికవరీ కింద స్వాధీనం చేసుకునేందుకు కోర్టు అవకాశం ఇవ్వాల్సి ఉంది. సుఖేష్ నుంచి జాక్వెలిన్ బహుమతులు పొందినట్లుగా ఈడీ విచారణలో తేలినట్లు ప్రచారం జరుగుతోంది కానీ అది ఇంకా కోర్టులో నిరూపించాల్సి ఉంది.